„Guðrún Hafsteinsdóttir“: Munur á milli breytinga

íslenskur stjórnmálamaður
Efni eytt Efni bætt við
Kvk saga (spjall | framlög)
Ný síða: '''Guðrún Hafsteinsdóttir''' (f. 9. febrúar 1970) er markaðsstjóri Kjörís og fyrrverandi formaður Samtaka iðnaðarins. Guðrún sigraði...
(Enginn munur)

Útgáfa síðunnar 30. maí 2021 kl. 11:22

Guðrún Hafsteinsdóttir (f. 9. febrúar 1970) er markaðsstjóri Kjörís og fyrrverandi formaður Samtaka iðnaðarins. Guðrún sigraði í prófkjöri Sjálfstæðisflokksins í Suðurkjördæmi og mun skipa fyrsta sæti á lista flokksins í kjördæminu fyrir alþingiskosningarnar í september 2021.

Foreldrar Guðrúnar eru Hafsteinn Kristinsson (1933-1993) forstjóri og stofnandi Kjörís og Laufey Valdimarsdóttir (f. 1940). Guðrún er næstyngst fjögurra systkina og meðal systkina hennar er Aldís Hafsteinsdóttir bæjarstjóri í Hveragerði. Maki Guðrúnar er Hans Kristján Einarsson Hagerup gullsmiður og eiga þau samtals sex börn.[1]

Guðrún lauk stúdentsprófi frá Fjölbrautaskóla Suðurlands, BA-prófi í mannfræði frá Háskóla Íslands og diplómagráðu í jafnréttisfræðum frá Háskóla Íslands. Hún hefur lengst af starfað í fjölskyldufyrirtækinu Kjörís, tók þar við stöðu framkvæmdastjóra 23 ára gömul þegar faðir hennar lést[2] en frá 2008 hefur hún verið markaðsstjóri Kjöríss.

Guðrún var formaður Samtaka iðnaðarins frá 2014 - 2020. Hún hefur setið stjórn Samtaka atvinnulífsins, Háskólans í Reykjavík, Bláa Lónsins og Lífeyrissjóðs verzlunarmanna[1] og er formaður Landsamtaka lífeyrissjóða frá árinu 2018.

Tilvísanir

  1. 1,0 1,1 Visir.is, „Guðrún Hafsteinsdóttir vill fyrsta sætið í Suðurkjördæmi“ (skoðað 30. maí 2021)
  2. „Framkvæmdastjóri Kjöríss hf, Guðrún Hafsteinsdóttir er ekki nema 24 ára“, Morgunblaðið, 8. maí 1994 (skoðað 30. maí 2021)