„Lýðveldið Kongó“: Munur á milli breytinga

| nafn_í_eignarfalli = Vestur-Lýðveldisins Kongó

Vestur-Lýðveldið Kongó var áður [[Frakkland|frönsk]] [[nýlenda]] sem hét [[Franska Kongó]] og fékk sjálfstæði [[1960]]. Eftir valdarán undir forystu herforingjans [[Marien Ngouabi]] árið 1968 var landið gert að [[Alþýðulýðveldið Kongó|Alþýðulýðveldinu Kongó]] og tekin upp náin stjórnmálatengsl við [[Sovétríkin]] og [[Austurblokkin]]a. Árið 1977 var Ngouabi myrtur og við tók [[herforingjastjórn]] sem ríkti yfir landinu til 1992. Fyrsti lýðræðislega kjörni forseti landsins var [[Pascal Lissouba]]. Deilur milli hans og forsetaframbjóðandans (og fyrrum forsetans) [[Denis Sassou Nguesso]] í aðdraganda forsetakosninga 1997 leiddu til [[Borgarastyrjöldin í Vestur-Lýðveldinu Kongó|vopnaðra átaka]]. Sassou náði völdum með aðstoð herliðs frá Angóla. Sassou gerði breytingar á stjórnarskrá landsins sem juku völd forseta og lengdu kjörtímabil hans. Breytingarnar, og þær kosningar sem haldnar hafa verið síðan, hafa verið harkalega gagnrýndar af alþjóðasamtökum.

Stórir hlutar Vestur-Lýðveldisins Kongó eru [[regnskógur|regnskógar]]. Langflestir íbúar Vestur-Kongó búa í suðvesturhluta landsins. Íbúar tala 62 ólík tungumál. Um helmingur þeirra eru [[rómversk-kaþólsk trú|rómversk-kaþólskir]] og um 40% aðhyllast [[mótmælendatrú]]. Efnahagslíf Vestur-Lýðveldisins Kongó byggist aðallega á [[jarðolía|olíuútflutningi]] og [[timbur|timbri]]. Landið á mikið af auðlindum í jörð ([[fosfat]], [[gull]] og aðrir málmar) sem eru að miklu leyti ónýttar.