„Björn Einarsson Jórsalafari“: Munur á milli breytinga

Björn kom ekki til Íslands aftur fyrr en [[1391]]. Mun hann í þessari ferð hafa farið í [[suðurganga|suðurgöngu]] til [[Róm]]ar. Sumarið [[1405]] sigldu Björn og Solveig kona hans úr [[Hvalfjörður|Hvalfirði]] og gerði Björn [[erfðaskrá]] áður en haldið var af stað. [[Vilchin Hinriksson|Vilchin]] Skálholtsbiskup var með í för en hann dó í [[Bergen|Björgvin]] og hélt Björn honum veglega útför. Árið [[1406]] héldu þau hjónin svo í suðurgöngu. Þau fóru fyrst til Rómar og þaðan til [[Feneyjar|Feneyja]], þar sem þau stigu á skip og „sigldu til Jórsalalands og heimsóttu Vors Herra gröf“. Frá [[Jerúsalem]] héldu þau aftur til Feneyja en þar skildi leiðir; Solveig hélt norður til Noregs en Björn til [[Santiago de Compostela]] á Spáni, því hann hafði heitið að heimsækja gröf heilags [[Jakob postuli|Jakobs]]. Síðan fór hann um Frakkland og England, kom við í [[Kantaraborg]] við gröf [[Tómas Becket|Tómasar Becket]] og hélt loks til Noregs. Annálar segja frá komu hans til landsins [[1411]] og hafði hann þá verið í [[Hjaltland]]i um veturinn, hvort sem hann var þá fyrst að koma úr pílagrímsferðalaginu eða ekki.

 

 

Kona Björns var Solveig Þorsteinsdóttir. Hún var líklega af þeirri grein [[Oddaverjar|Oddaverja]]-ættar sem átti Stórólfshvol og nærliggjandi jarðir. Hún var skörungur mikill, var oftast í ferðum með manni sínum, til dæmis bæði á Grænlandi og í Jórsalaferðinni, og greint er frá því að árið [[1401]] hafi hún siglt ein til Noregs á skipi sem maður hennar átti til helmings við Skálholtskirkju en hann sat eftir heima í Vatnsfirði. Eina barn þeirra sem vitað er um með vissu er [[Vatnsfjarðar-Kristín Björnsdóttir|Kristín]], sem jafnan var kennd við Vatnsfjörð. Hún giftist fyrst 1392 Jóni, bróður [[Loftur Guttormsson|Lofts Guttormssonar]], en hann dó í [[Svarti dauði á Íslandi|Svartadauða]]. 1405 gekk hún að eiga [[Þorleifur Árnason|Þorleif Árnason]], sýslumann á [[Auðbrekka|Auðbrekku]], í [[Glaumbær (bær)|Glaumbæ]] og í Vatnsfirði. Á meðal barna þeirra voru hirðstjórarnir [[Einar Þorleifsson hirðstjóri|Einar]] og [[Björn Þorleifsson hirðstjóri|Björn Þorleifssynir]]. Sögn frá 18. öld er um að Björn og Solveig hafi átt son sem hét Þorleifur sem hafi drukknað ungur en uppkominn við [[Melgraseyri]] ásamt fleiri mönnum.