Munur á milli breytinga „Jón Jónsson (jarðfræðingur)“

Stutt textaviðbót
m (corr using AWB)
(Stutt textaviðbót)
 
== Störf ==
Jón hóf störf á Raforkumálaskrifstofunni (síðar [[Orkustofnun]]) 1958. Framan af voru verkefni hans einkum á sviði neysluvatns- og heitavatnsöflunar. Boranir eftir heitu vatni voru þá komnar á skrið og heppnuðust víða vel undir hans tilsögn. Hann vann einnig sem jarðhitaráðgjafi í ýmsum löndum [[Mið-Ameríka|Mið-Ameríku]] og [[Afríka|Afríku]] á vegum [[Sameinuðu þjóðirnar|Sameinuðu þjóðanna]] og fleiri stofnana. Jón fékkst mikið við jarðfræðikortlagningu á starfsferli sínum og vann frábært brautryðjandastarf við sundurgreiningu og kortlagningu hrauna á [[Reykjanesskagi|Reykjanesskaga]]. Sú vinna skilaði sér á kortum og í mikilli skýrslu um hraun og jarðmyndanir á skaganum sem Orkustofnun gaf út. Árið 1980 lét Jón af störfum fyrir jarðhitadeild Orkustofnunar en hélt þó áfram eigin rannsóknum og ráðgjöf í neysluvatns- og jarðhitamálum. Á þessi skeiði beindust augu hans mjög að [[Eyjafjöll]]um og af þeim gerði hann jarðfræðikort sem út kom ásamt með ýtarlegri lýsingu 1989. Á síðustu árunum snérist áhugi hans í auknum mæli að átthögunum í [[Vestur-Skaftafellssýsla|Vestur-Skaftafellssýslu]] og hinum miklu hraunaflæmum frá [[Eldgjá]], [[Lakagígar|Lakagígum]] og [[Hálsagígar|Hálsagígum]]. Síðustu rannsóknarleiðangrana fór Jón á það svæði árið 2002, þá á 92. aldursári. Þótt Jón hæfi ekki jarðfræðistörf fyrr en á fimmtugsaldri spannar starfsferill hans á því sviði vel á sjötta tug ára og er lengri en flestir jarðfræðingar geta státað af.
 
Jón Jónsson var afkastamikill vísindamaður og ritaði um fræði sín í skýrslur, blöð, bækur og tímarit, bæði íslensk og erlend. Á 85 ára afmæli hans var gefið út bókin Eyjar í eldhafi honum til heiðurs með safni greina um náttúrufræði. Þar má finna æviágrip hans og ritalista.
* Árni Hjartarson 2005. Jón Jónsson, jarðfræðingur, 1910-2005. Náttúrufræðingurinn 73. árg. bls. 74.
* {{bókaheimild|höfundur=Björn Hróarsson, Dagur Jónsson og Sigurður Sveinn Jónsson |titill=Eyjar í eldhafi|útgefandi=Gott mál hf. Reykjavík|ár=1995}}
* Jón Jónsson 1978. Jarðfræðikort af Reykjanesskaga. Skýringar við Jarðfræðikort. OS-JHD-7831, Orkustofnun.
 
[[Flokkur:Íslenskir vísindamenn]]
1.734

breytingar