„Míkhaíl Botvínník“: Munur á milli breytinga

Efni eytt Efni bætt við
Ekkert breytingarágrip
Ekkert breytingarágrip
Lína 1:
Mikhail Botvinnik (f. 1911 - d. 1995) var sovéskur stórmeistari í skák. Hann var heimsmeistari í skák frá árinu 1948 til 1957 og er almennt talinn í hópi bestu skákmanna sem uppi hafa verið. Hann sigraði með nokkrum yfirburðum í heimsmeistarakeppninni sem fram fór í Haag og Moskvu árið 1948. Hann tefldi einvígi um heimsmeistaratitilinn við [[Davíð Bronstein]] árið 1951 og [[Vasilí Smyslov]] árið 1954 og hélt titlinum á jöfnu í bæði skipti. Botvinnik tapaði svo heimsmeistaratitlinum í hendur Smyslov í einvígi árið 1957, en tókst að endurheimta titilinn í öðru einvígi við Smyslov ári síðar. Árið 1960 tapaði Botvinnik heimsmeistaraeinvíginu gegn [[Mikhail Tal]], en náði fram hefndum í öðru einvígi ári síðar. Botvinnik missti svo heimsmeistaratitilinn endanlega árið 1963 í einvígi gegn [[Tigran Petrosjan]], en samkvæmt nýjum reglum [[Alþjóða skáksambandið|Alþjóða skáksambandsins]] (FIDE) átti hann ekki lengur rétt á öðru einvígi. Botvinnik hélt áfram þátttöku á skákmótum til ársins 1970. Eftir það tók hann að sér þjálfun efnilegra skákmanna og starfrækti skákskóla í Sovétríkjunum. Hann þjálfaði m.a. bæði [[Anatoly Karpov]] og [[Garrí Kasparov]] sem báðir urðu heimsmeistarar í skák.
 
Heimildir
 
 
Alfræðibókin um skák. Dr. Ingimar Jónsson. Iðunn 1988.