„Kópavogur“: Munur á milli breytinga

Vesturhluti Kópavogs liggur á því [[grágrýti]]ssvæði sem meginhluti höfuðborgarsvæðisins stendur á. Þetta grágrýti er að minnsta kosti 100.000 ára gamalt. Austari hlutar sveitarfélagsins eru á hraunum sem hafa runnið eftir [[ísöld]] og sum eftir [[Landnám Íslands|landnám]]. Þá er [[Móberg (jarðfræði)|móberg]] frá því um miðbik ísaldar neðst í Kópavogsdal. Land Kópavogs ber þess ýmis merki að hafa verið mótað af ísaldarjöklum. Þinghóll er í raun hluti af 10.000 ára gömlum jökulgarði og stór jökulgarður liggur frá [[Álftanes]]i og neðansjávar upp að norðurströnd Kársness. Í landi Kópavogs eru ýmis [[náttúruvætti]]. Í botni Kópavogs og Fossvogs eru [[Leira|leirur]] með fjölbreyttu fuglalífi, og má þar nefna tegundir eins og [[Tjaldur|tjald]], [[stokkönd]], [[stúfönd]], [[Rauðbrystingur|rauðbrysting]], [[Tildra|tildru]] og [[Lóuþræll|lóuþræl]]. Kópavogsleira er um 21 hektari að stærð og er dvalarstaður fyrir alls 30 staðbundnar fuglategundir og um 10 [[farfugl]]ategundir. [[Borgarholt]] á Kársnesi er friðlýst náttúruvætti þar sem eru greinileg ummerki um hærri sjávarstöðu á [[Höfuðborgarsvæðið|höfuðborgarsvæðinu]]. Grágrýtishnullungar einkenna holtið og neðri mörk þeirra marka hina fornu sjávarstöðu. Einnig er áhugavert samfélag villtra gróðurtegunda á Borgarholti sem hefur þrifist í návist við erlendan garðagróður í nágrenninu.<ref name="borgarholt">{{vefheimild|url=http://www.kopavogur.is/index.php?option=com_content&task=view&id=176&Itemid=177|titill=Borgarholt og Leirur}}</ref> Víghólar eru einnig friðlýstir en þeir eru jökulsorfnar grágrýtisklappir á hæsta punkti Kópavogsháls í um 70 metra hæð yfir sjávarmáli. Elliðavatn er á náttúruminjaskrá, en það er grunnt sigdældarvatn sem í er þykkt [[kísilgúr]]lag og mikið lífríki. Botnplöntur eru mjög áberandi og dýralíf við fjöruna mjög mikið. Í Elliðavatni er góð [[Silungur|silungsveiði]], en í vatnakerfinu lifa allar tegundir villtra ferskvatnsfiska á Íslandi; [[bleikja]], [[atlantshafslax|lax]], [[urriði]], [[áll]] og [[hornsíli]]. Vatnið í Elliðavatni er að uppruna lindarvatn sem streymir upp víðs vegar umhverfis vatnið. Vatnið stækkaði verulega til suðurs eftir að það var stíflað á árunum [[1924]]-[[1925]]<ref name="vigholl">{{vefheimild|url=http://ferlir.is/?id=3401|titill=Ferlir - Kópavogur - minjar og þjóðsögur I}}</ref><ref name="ellidavatn">{{vefheimild|url=http://www.kopavogur.is/index.php?option=com_content&task=view&id=179&Itemid=177|titill=Elliðavatn og nágrenni}}</ref><ref name="saga"/>