|
==Nemendafélag Menntaskólans við Hamrahlíð==
{{aðalgrein|Nemendafélag Menntaskólans við Hamrahlíð}}
[[Mynd:NFMH.png|link=https://is.wikipedia.org/wiki/Mynd:NFMH.png|thumb|Merki nemendafélagsins er krepptur hnefi, sem er tákn samstöðu og stuðnings.]]
Nemendafélag Menntaskólans við Hamrahlíð (NFMH) hefur aðsetur í Norðurkjallara. Félagið hefur verið starfrækt allt frá stofnun skólans. Stjórn félagsins skipa ellefu nemendur við skólann, sem kosnir eru til eins árs í senn. Í nemendafélaginu er fjöldinn allur af minni ráðum.
'''Beneventum'''
er blað skólans og reglulega er gefið út eitt stórt Beneventum í lok hvers árs ásamt því að gefa einnig út Busabene, málgagn ætlað busum í þeim tilgangi að skemmta og fræða þá um MH og starf nemendafélagsins. Þau sjá einnig um útgáfu á Hamraskáldum, ljóðabók MH-inga sem kemur út í ár í fjórða sinn. Beneventum er latína og þýðir „góður vindur“. Þetta er latneskt nafn á borginni [[:en:Benevento|Benevento]], sem er 60 km norður-austur af Napolí. Hér á Íslandi eru það klettarnir vestan í Öskjuhlíðinni, sem prýddir hafa verið þessu nafni. En í þessum klettum munu nemendur Latínuskólans gamla hafa komið saman þegar þeir þurftu að ræða stórmál sín á milli, sem kennarar máttu ekki heyra.<ref>Beneventum 1. tbl. 2. árg. 1967</ref>
'''Lagningadagaráð'''
sér um og skipuleggur lagningardaga í árshátíðarviku MH á vorönn. Lagningardagar eru vinnudagar nemenda og kennara þar sem hefðbundið skólastarf er brotið upp. Þar er boðið upp á fjölda fyrirlestra, danskennslna, matreiðslunámskeiða og uppistanda svo fátt eitt sé nefnt.
'''Óðríkur Algaula'''
er lagasmíðakeppni NFMH sem haldin er á haustönn. Ráðið sér einnig um að halda söngkeppni skólans á vorin.
'''Mímisbrunnur'''
er tengiliður nemendafélagsins við [[Gettu betur]], spurningakeppni framhaldsskólanna. Mímisbrunnur stendur fyrir innanskólaspurningakeppni á vorönn.
'''Leikfimifélag'''
heldur skipulagt fótboltamót á hverri haustönn. Ráðið sér einnig um MH-Kvennó daginn.
'''Leikfélag'''
stendur fyrir leiklistarnámskeiðum og ýmiskonar uppákomum. Leikfélagið setur upp leiksýningu ár hvert. Leikfélag MH hefur lengi verið þekkt fyrir gott og metnaðarfullt starf.
'''Listafélag'''
stendur fyrir ýmiskonar viðburðum innan skólans, skipulagningu tónleika, myndlistarsýninga og kvikmyndasýninga.
'''Málfundafélag'''
hefur yfirumsjón með skipulagningu málfunda á vegum NFMH. Það heldur ræðunámskeið á hverju skólaári. Málfundafélagið er tengiliður nemendafélagsins við [[Morfís]]. Einnig heldur félagið innanskólaræðukeppnina, M.O.R.T.A.R..
'''Skemmtiráð'''
skipuleggur og sér um böll á vegum nemendafélagsins. Að venju eru haldin 6 böll á skólaári.
'''Fréttapési'''
er ekki skólablað heldur "tímarit" sem er gefið út algjörlega óreglulega út og ræðst af meðlimum nefndarinnar. Það hefur verið þekkt fyrir grófa kímnigáfu sína og á sér ógeðfellda sögu, þar sem fyrri útgáfur Fréttapésa hafa einkennst að drusluskömm og naugðunarmenningu. Þar hefur ritstjórn talað niður til nemenda skólans í nafni Fréttapésa. Meðlimir Fréttapésa eru oft kallaðir <nowiki>''pissudúkkur''</nowiki>.<br />
== Rektorar skólans==
| 