„Wikipedia:Potturinn“: Munur á milli breytinga

: Ég vil biðja ykkur að doka aðeins með að eyða greinum. Ég frétti nýlega af því að það er verkefni í háskólanum í einu námskeiði í stjórnmálum að skrifa wikiðpediagreinar. Það er mjög gott framtak og ég vildi óska að það væru fleiri háskólakennarar sem það gerðu. Ég hef látið nemendur á mörgum námskeiðum skrifa wikipediagreinar og það eru mörg hundruð greinar á íslensku wikipedia núna sem voru upphaflega verk nemenda minna. En það var mjög erfitt, byrjendur skrifa oftast greinar sem fylgja alls ekki þeim ritstíl sem þarf á wikipedíu og margir nemendur urðu mjög frústreraðir þegar greinum þeirra var eytt eða þær merktar sem þær væru ekki í lagi. Ég færði mig yfir á wikibooks og lét nemendur í nokkur misseri skrifa greinar eða lexíur þar og var það oft efni sem hefði verið fínt í wikipedíugreinar og sumt verið fært yfir. En ég hætti því líka um tíma vegna þess að þau mistök urðu einu sinni að unglingur var gerður að stjórnanda á wikibooks (ekki wikipedia) og hann eyddi mörgum tugum ef ekki hundruðum greina á wikibooks einfaldlega vegna þess að hann áttaði sig ekki á að það eru innri tenglar að wikibooks greinar tengi í önnur wikiverkefni (commons og wikipediagreinar) og það var meginmarkmið þess þróunarverkefnis sem ég var þá í gangi. Það varð til þess að ég hætti í mörg ár að nota wikipedia og wikibooks með nemendum mínum og annar háskólakennari sem ég hafði talið á að gera svona tilraun varð mjög frústreraður þegar öll verkefnum nemenda hennar var líka eytt. Það er mikilvægt fyrir okkur að hrekja ekki alla burtu frá því að skrifa greinar. En það er hægt að leiðbeina fólki og það er mikilvægt á að benda og leiðrétta strax það sem er að. Ástæðan fyrir að ég vissi að þetta wikipediaframtak væri í gangi hjá kennara í stjórnmálafræði er að það varð umræða á samfélagsmiðlum um þetta, það vakti töluverða athygli og fólk var afar ánægt með að háskólakennarar væru að setja það sem verkefni fyrir nemendur að skrifa wikipediagreinar.--[[Notandi:Salvor|Salvor]] ([[Notandaspjall:Salvor|spjall]]) 6. desember 2020 kl. 12:32 (UTC)