„Paul Kagame“: Munur á milli breytinga

Eftir sigur Föðurlandsfylkingarinnar varð Kagame varaforseti Rúanda og stjórnaði sem slíkur rúandska hernum og viðhélt lögum og reglu á meðan aðrir embættismenn hófust handa við að endurbyggja ríkið. Margir hermenn Föðurlandsfylkingarinnar frömdu morð á hútúum til að hefna sín fyrir þjóðarmorðið.<ref>{{Vefheimild|url=https://kjarninn.is/skyring/hetjan-sem-bjargadi-ruanda-er-minni-hetja-en-thu-helst/|titill=Hetjan sem bjargaði Rúanda er minni hetja en þú hélst|höfundur=Konráð Guðjónsson|útgefandi=''[[Kjarninn]]''|ár=2015|mánuður=8. febrúar|árskoðað=2020|mánuðurskoðað=5. júlí}}</ref> Kagame sagðist vera á móti þessum drápum en honum tókst þó ekki að koma í veg fyrir þau. Síðar var réttað yfir fáeinum þessara hermanna. Eftir valdatöku RPF flúði fjöldi Hútúa frá Rúanda og settist að í flóttamannabúðum í [[Saír]] og öðrum nágrannaríkjum. Þeirra á meðal voru hernaðarsamtökin [[Interahamwe]], skipuleggjendur þjóðarmorðsins, sem hugðu á gagnárás inn í Rúanda til að endurheimta völdin. Föðurlandsfylkingin gerði árásir á flóttamannabúðirnar árið 1996 og neyddi marga Hútúana til að snúa heim. Um 200.000 manns létust í árásunum á flóttamannabúðirnar.

 

 

Sem forseti hefur Kagame lagt áherslu á [[Þróunarland|þróun landsins]] og hratt af stað herferð til þess að gera Rúanda að miðtekjulandi fyrir árið 2020. Árið 2013 hafði landið náð miklum framförum, þar á meðal í heilsugæslu og menntun. Auk þess blómstraði einkageirinn, spilling var nánast upprætt og glæpatíðni lækkaði verulega.<ref>{{Cite web|title=Er lýðræði dragbítur á hagvöxt? |date=29. september 2013 |accessdate=22. maí 2018|publisher=''[[Morgunblaðið]]''|url=http://timarit.is/view_page_init.jsp?pageId=6058497}}</ref> Kagame hefur haldið góðu sambandi við Austur-Afríkuríkin og við Bandaríkin en samband hans við Frakkland var hins vegar stirt til ársins 2009. Sambandið við Kongó er einnig spennuþrungið þrátt fyrir vopnahléð sem samið var um árið 2003. Í skjölum sem lekið hefur verið af Sameinuðu þjóðunum er Kagame sakaður um að styðja tvo uppreisnarhópa í Kongó, en Kagame hefur neitað ásökuninni. Nokkur ríki hættu að greiða fé í þróunarhjálp til Rúanda vegna ásakananna. Kagame er vinsæll í Rúanda og meðal sumra erlendra eftirlitsmanna en mannréttindahópar hafa þó sakað hann um að stunda bælingu á pólitísku andófi. Hann vann forsetakjörið í Rúanda árið 2003 og var endurkjörinn árið 2010. Kagame var endurkjörinn á ný árið 2017 og samkvæmt nýjum stjórnarskrárbreytingum gæti hann setið áfram sem forseti allt til ársins 2034.<ref>{{cite web|url=https://www.reuters.com/article/us-rwanda-president-idUSKCN0SN24W20151029|title=Rwandan parliament agrees to extend Kagame's rule|first=Clement|last=Uwiringiyimana|date=October 29, 2015|publisher=Reuters}}</ref>