Munur á milli breytinga „Alex hugdjarfi“

787 bætum bætt við ,  fyrir 2 mánuðum
== Söguþráður ==
 
Árið er 53 f.k. og herferð [[Marcus Licinius Crassus|Markúsar Krassusar]] hershöfðingja [[Rómaveldi|Rómarveldis]] til [[Mesópótamía|Mesópótamíu]] í austri stendur sem hæst. Orrustu um hina fornu borg [[Korsabad]] er lokið með sigri Rómverja og foringi þeirra, Flavíus Marsalla, heldur innreið í borgina. Ungur þræll, Alex, fylgist með af svölum byggingar, en fyrir slysni losnar grjót úr svölunum og hrynur yfir Marsalla. Alex er handsamaður og ævareiður Marsalla skipar honum að upplýsa um felustað mikilla auðæfa í höll [[Sargon|Sargons]] [[Assyría|Assýríukonungs]]. Eftir að Marsalla finnur fjársjóðinn í kjallara konungshallarinnar færir sendiboði honum fréttir af ósigri og dauða Krassusar ræðismanns í [[Orrustan við Carrhae|Orrustunni við Carrhae]]. Örvænting grípur Marsalla og hann fyrirskipar tafarlaust undanhald úr borginni. Rómverjarnir bera eld að konungshöllinni og skilja Alex bundinn eftir til að deyja, en örlögin grípa í taumana og honum tekst að flýja brennandi höllina við illan leik. Örþreyttur leggst Alex til hvílu, en er vakinn af hermönnum [[Parþía|Parþa]] sem náð hafa til borgarinnar. Alex nær að sannfæra Súrena, foringja Parþa, um hollustu sína og honum er leyft að yfirgefa borgina. Alex heldur til fjalla en er tekinn höndum af íbúum í afskekktu þorpi. Höfðingi þorpsins, Góra, vill láta svíða augun úr Alex til að koma í veg fyrir að hann geti uppljóstrað um staðsetningu þorpsins, en hinn risavaxni Toraja kemur Alex til bjargar og í sameiningu tekst þeim félögum að flýja. Þeir eru síðar handsamaðir af herflokki [[Sarmatar|Sarmata]] sem flytur þá til borgarinnar [[Trebisond]] við strönd [[Svartahaf|Svartahafsins]]. Alex og Toraja eru færðir fyrir fulltrúa hins Rómverska valds sem selur þá í hendur Arbakosi, slóttugum, grískum kaupmanni og svörnum andstæðingi Marsalla sem einnig er kominn til Trebisond ásamt hjálparhellu sinni Markúsi. Arbakos siglir með Alex og Toraja áleiðis til [[Ródos]]. Marsalla og félagar hefja eftirför, en verða fyrir óvæntri árás [[Skýþar|Skýþverskra]] sjóræninga. Alex og Toraja fer að gruna Arbakos um græsku og þegar til Ródos er komið reynir hann að eitra fyrir Toraja. Alex og Toraja forða sér burt, en eru gripnir höndum og færðir fyrir landstjóra Rómverja, Honorus Galla. Landstjórinn er Alex velviljaður og tekur hann með sér til [[Róm|Rómar]], en Toraja verður eftir til að leita Arbakosar sem er horfinn sporlaust. Í Róm ræðst flokkur grímuklæddra manna á landstjórann í húsi hans og særa hann til ólífis. Á banasænginni segir hann Alex frá því að Alex sé sonur [[Gallar|gallversks]] höfðingja sem landstjórinn seldi í ánauð þegar Alex var á barnsaldri. Nagaður af samviskubiti ákvað landstjórinn því að ættleiða Alex. Alex grunar Marsalla og Markús um að standa á bak við árásina og ákveður að mæta Markúsi í kappreið á leikvangi í Róm að bæði [[Júlíus Caesar]] og [[Pompeius]] viðstöddum. Alex ber sigur úr býtum, en þegar í ljós kemur að skemmdarverk voru unnin á hestvagni Markúsar lætur Pompeius taka Alex höndum og mælir svo fyrir að Alex og Markús skuli gera upp um málin í skylmingaeinvígi næsta dag. Það sem Alex veit ekki er að skemmdarverkið var í reynd að undirlagi Arbakosar, flugumanns Pompeiusar, og liður í að þvinga Marsalla hershöfðingja á band Pompeiusar í valdastríði hans við Caesar. Caesar fær veður af atburðum og sendir flokk manna til að nema Alex og Markús á brott af leikvanginum meðan einvígi þeirra stendur sem hæst. Arbakos og félagar veita eftirför og ná að klófesta Alex sem er í kjölfarið dæmdur til dauða í sýndarréttarhöldum á vegum Pompeiusar. Á síðustu stundu tekst Toraja ásamt Rúfusi, trúnaðarmanni Ceasars, að bjarga Alex frá aftöku á ævintýralegan hátt, en á flóttanum særist Toraja til ólífis. Marsalla og Markús týna sömuleiðis lífi í hildarleiknum sem á eftir fylgir, en Arbakos nær að komast undan og er sendur af Pompeiusi til Egyptalands þar sem bíða skal frekari fyrirmæla. Caesar fer með herlið sitt til vígstöðva í Gallíu og Alex ákveður að fylgja og heimsækja ættland sitt.
 
 
[[Flokkur:Myndasögur]]
Óskráður notandi