„Mjanmar“: Munur á milli breytinga

'''Mjanmar''', einnig þekkt sem '''Búrma''', er stærsta ríki á meginlandi [[Suðaustur-Asía|Suðaustur-Asíu]]. Það á [[landamæri]] að [[Alþýðulýðveldið Kína|Alþýðulýðveldinu Kína]] í norðri, [[Laos]] í austri, [[Taíland]]i í suðaustri, [[Bangladess]] í vestri og [[Indland]]i í norðvestri. Það liggur að [[Andamanhaf]]i í suðri og [[Bengalflói|Bengalflóa]] í vestri.

 

Á fimmtu öld fyrir Krist var stofnað konungsríki í þorpinu Tagaung sem er við efri hluta [[Irawadi]]-fljóts, um 160 km norðan núverandi [[Mandalay]]. Þar ríktu fimmtíu konungar af sömu ætt þar til Tatarar réðust inn í landið úr norðri og lögðu það undir sig. Þá flúði afkomandi síðasta konungsins suður til [[Sri Khettara]] og stofnaði nýtt konungsríki meðal Pyu-ættbálksins. Á svipuðum tíma kom fólk af þjóðflokki Mon-Kmera (annaðhvort kallað Mon eða Talaing (hindí: Telegana)) frá Indlandi og settist að í óshólmum [[Irawadi]]. Þetta fólk flutti með sér [[búddismi|búddatrú]].