Linda Ronstadt

Linda Maria Ronstadt (f. 15. júlí 1946) er fyrrum bandarískur söngvari er lét af störfum sem slíkur árið 2011 vegna ofankjarnalömunar (sem hafði á þeim tíma verið misgreint sem Parkinsons) er gerði henni ekki lengur kleift að syngja. Hún hefur þó haldið áfram þátttöku sinni í opinberu lífi að einhverju leyti eftir það, eins og í formi ræðuflutnings og útgáfu sjálfsævisögu sinnar, Simple Dreams: A Musical Memoir. Á ferli sínum hafði hún sungið og tekið upp margs konar lög, þar á meðal rokk og kántrí, og náðu 38 þeirra á bandaríska Billboard Hot 100 listann.

Linda Ronstadt árið 2009.

Meðal verðlauna sem hún hefur öðlast eru 10 Grammy-verðlaun, ein Emmy-verðlaun og ein ALMA-verðlaun.