Munur á milli breytinga „Túnis“

6 bæti fjarlægð ,  fyrir 1 mánuði
ekkert breytingarágrip
Túnis er nyrsta landið í [[Afríka|Afríku]] og austasta landið á [[Atlasfjöll|Atlasfjallgarðinum]]. Suðurhluti landsins er nyrsti hluti [[Sahara]], en annars staðar er frjósamur jarðvegur. Strönd landsins er 1300 km að lengd og er hluti af skilunum milli austur- og vesturhluta Miðjarðarhafsins.
 
Í Túnis er [[fulltrúalýðræði]] og landið er talið eina sanna lýðræðisríkið í [[Arabaheimurinn|Arabaheiminum]]. [[Vísitala um þróun lífsgæða]] er há fyrir Túnis. Landið er með [[Samstarfssamningur Evrópusambandsins|samstarfssamning við Evrópusambandið]], er aðili að [[Samtök frönskumælandi ríkja|Samtökum frönskumælandi ríkja]], [[Miðjarðarhafsbandalagið|Miðjarðarhafsbandalaginu]], [[Sameiginlegur markaður Austur- og Norður-Afríku|sameiginlegum markaði Austur- og Norður-Afríku]], [[Arabíska Maghreb-bandalagið|Arabíska Maghreb-bandalaginu]], [[Arababandalagið|Arababandalaginu]], [[Samtök um íslamska samvinnu|Samtökum um íslamska samvinnu]], [[Fríverslunarbandalag Arabaríkja|Fríverslunarbandalagi Arabaríkja]], [[Samband ríkja í Sahel og Sahara|Sambandi ríkja í Sahel og Sahara]], [[Afríkusambandið|Afríkusambandinu]], [[Samtök óháðrahlutlausra ríkja|Samtökum óháðrahlutlausra ríkja]], [[G77]] hópnum, og er [[bandamaður NATO]]. Túnis er aðili að [[Rómarsamþykkt um Alþjóðlega sakamáladómstólinn]] og [[Sameinuðu þjóðirnar|Sameinuðu þjóðunum]]. Túnis á í nánu samstarfi við Evrópu, einkum [[Frakkland]] og [[Ítalía|Ítalíu]].
 
[[Berbar]] hafa búið í Túnis frá fornu fari. [[Föníkumenn]] stofnuðu þar borgina [[Karþagó]] á [[12. öldin f.Kr.|12. öld f.Kr.]]. Karþagó var sjóveldi og keppti við [[Rómaveldi]] um áhrif á Miðjarðarhafi. Rómverjar lögðu Karþagó undir sig árið [[146 f.Kr.]] og landið varð síðar [[rómverskt skattland|rómverska skattlandið]] [[Afríka (skattland)|Afríka]]. Rómverjar réðu yfir Túnis næstu 800 árin, kynntu íbúa fyrir [[Kristni]] og skildu eftir sig minjar eins og [[hringleikahúsið El Jem]]. Eftir árið 647 lögðu [[íslam|múslimar]] landið undir sig á 50 árum. [[Tyrkjaveldi]] tók síðan við völdum í landinu eftir röð herleiðangra frá 1534. [[Innrás Frakka í Túnis]] átti sér stað 1881. Landið fékk sjálfstæði frá Frökkum árið 1957 og lýsti yfir stofnun lýðveldis. Fyrsti forseti landsins var sjálfstæðisleiðtoginn [[Habib Bourguiba]]. Árið 2011 hófst [[byltingin í Túnis]] sem varð til þess að steypa forsetanum [[Zine El Abidine Ben Ali]] af valdastóli. Frjálsar kosningar fóru fram árið 2014.