Munur á milli breytinga „Langanes“

3 bæti fjarlægð ,  fyrir 5 mánuðum
ekkert breytingarágrip
 
'''Langanes''' er stór skagi fyrir austan [[Þistilfjörður|Þistilfjörð]] og norðan við [[Bakkaflói|Bakkaflóa]]. Skaginn teygist næstum 40 km út í hafið til norðausturs, allbreiður vestast en mjókkar út í örmjóan bjargtanga austast sem heitir [[Fontur]]. Framnes er sá hluti Langaness kallaður, sem er sunnan Þórshafnar, miðnes út að Eiðisskarði en utan þess útnes. Öll býli á útnesinu eru nú komin í eyði. Nesið hefur ávallt verið [[Strjálbýli|strjálbýlt]], stærsta byggðin er sjávarþorpið [[Þórshöfn (Langanesi)|Þórshöfn]] á vesturströndinni.
 
Lág fjöll og fell liggja norður eftir Langanesi, 200-400 m há og er austurhlutinn er miklu hálendari og undirlendi lítið. [[Gunnólfsvíkurfjall]] er hæsta fjallið, 719 m. Nálægt miðju nesinu er Eiðisskarð, sem sker fallgarðinn. Að norðanverðu er Langanes láglent og er breiðasta undirlendið frá Sauðanesi og út að Heiðarfjalli. Útnesið er víða grýtt og hrjóstrugt en að sunnanverðu er það betur gróið. Fjöllin eru úr [[Móberg (jarðfræði)|móberg]]i að suðaustanverðu en að öðru leyti er nesið úr [[grágrýti]]. Láglendið skiptist að mestu í mýrar, grýtta mela og holt. Nokkrar sjaldgæfar jurtategundir vaxa á Langanesi svo sem [[Fléttur|flétta]] ein sem kallast [[klettakróða]].
 
Mikið fuglalíf er á Langanesi, það eru einkum [[lundi]], [[langvía]], [[álka]], [[teista]], [[fýll]] og [[rita]] sem verpa þar í fuglabjörgum. Undir Skoruvíkurbjargi er klettadrangur, sem heitir Stórikarl og er þar eina [[Súla (fugl)|súlubyggðin]] á þessum slóðum.
326

breytingar