„Orkuveita Reykjavíkur“: Munur á milli breytinga

Orkuveita Reykjavíkur var stofnuð [[1. janúar]] [[1999]], með sameiningu Rafmagnsveitu Reykjavíkur og Hitaveitu Reykjavíkur. Rafmagnsveita Reykjavíkur var stofnuð árið [[1921]], en Hitaveita Reykjavíkur varð að sjálfstæðu fyrirtæki árið [[1946]]. Árið 2000 sameinaðist Vatnsveita Reykjavíkur Orkuveitunni, en vatnsveitan tók til starfa [[16. júní]] [[1909]]. Guðmundur Þóroddsson, fyrrverandi vatnsveitustjóri, var ráðinn fyrsti forstjóri Orkuveitunnar.

Þann [[1. maí]] [[2000]] tók Orkuveitan við rekstri Hitaveitu [[Þorlákshöfn|Þorlákshafnar]]. Um áramótin 2001-2002 sameinuðust veiturnar á Akranesi og hitaveiturnar í Borgarbyggð og Borgarfjarðarsveit Orkuveitu Reykjavíkur. Þá bættist hitaveitan á [[Bifröst]] við fyrirtækið. Jafnframt var Orkuveitunni breytt úr borgarfyrirtæki í sameignarfyrirtæki og voru eigendurnir Reykjavíkurborg, Akraneskaupstaður, [[Hafnarfjörður]], [[Garðabær]], Borgarbyggð og Borgarfjarðarsveit. Garðabær seldi sinn hlut í fyrirtækinu í árslok 2002.

Á árinu 2004 sameinuðust Austurveita, Hitaveita Hveragerðis[[Hveragerði]]s og Ölfusveita Orkuveitunni. Í byrjun ársins 2006 sameinuðust fráveitur Reykjavíkur, Akraness, Borgarbyggðar og Borgarfjarðarsveitar Orkuveitu Reykjavíkur.

Nýjar höfuðstöðvar voru vígðar þann [[23. apríl]] [[2003]]. Kostnaður við byggingu höfuðstöðvanna fór talsvert fram úr áætlun og nam heildarkostnaður um 5.800 milljónum króna samkvæmt [[Morgunblaðið|Morgunblaðinu]], en 1.800 milljónir fengust fyrir sölu fyrri höfuðstöðva fyrirtækjanna sem voru sameinuð í Orkuveitunni.