|
|
|
'''Flosi Þórðarson''' ([[10. öld|10.]] og [[11. öld]]), einnig þekktur sem '''''Brennu-Flosi''''', eftir að hann fór að [[Njáll á Bergþórshvoli|Njáli á Bergþórshvoli]] og brenndi hann inni ásamt sonum sínum öllum.
Flosi var mikill höfðingi og bjó á [[Svínafell]]i í Öræfum. HannKona hans hét Steinvör og var laundóttir [[Síðu-Hallur|Síðu-Halls]]. Flosi var sonursonurr Þórðar Freysgoða Össurarsonar og Ingunnar dóttur Þóris á Espihóli [[Hámundur heljarskinn Hjörsson|Hámundarsonar heljarskinns]]. Hálfbróðir hans samfeðra var Starkaður Þórðarson, sem var faðir [[Hildigunnur Starkaðardóttir|Hildigunnar Starkaðardóttur]], sem fyrr var gift [[Höskuldur Þráinsson|Höskuldi Hvítanessgoða]] og síðar [[Kári Sölmundarson|Kára Sölmundarsyni]]. Eftir að Njálssynir, Kári og [[Mörður Valgarðsson]] (Lyga-Mörður) höfðu drepið Höskuld Hvítanessgoða að áeggjan Marðar, kom Hildigunnur því svo fyrir að Flosi varð að hefna vígsins. Æxluðust málin þannig að Flosi safnaði geysimiklu liði og fór að [[Bergþórshvoll|Bergþórshvoli]] að nóttu til síðsumars árið [[1011]] og bar eld að bænum. Bauð hann útgöngu konum öllum og vinnuhjúum. [[Bergþóra Skarphéðinsdóttir|Bergþóra]], kona [[Njáll Þorgeirsson|Njáls]], vildi ekki þiggja að ganga úr eldinum. Brann þarna inni mikill fjöldi fólks, en [[Kári Sölmundarson]] slapp úr eldinum einn manna og hefndi grimmilega fóstbræðra sinna og [[Þórður Kárason|Þórðar]] sonar síns, sem fórst með afa sínum og ömmu í brennunni.
Síðar sættust þeir heilum sáttum, Kári og Flosi og var hápunktur sættanna þegar Kári gekk að eiga Hildigunni Starkaðardóttur. Flosi fór í hárri elli í verslunarferð til [[Noregur|Noregs]] og varð seinn fyrir til baka. Menn sögðu honum að skip hans væri ekki gott til úthafssiglinga, en hann taldi það hæfa sér, því hann væri gamall og fúinn líka. Lét hann svo í haf og fórst skipið í hafi með öllu sem á var.
|
