„Vatnajökulsþjóðgarður“: Munur á milli breytinga

 

'''Vatnajökulsþjóðgarður''' var stofnaður árið 2008<ref>https://www.stjornarradid.is/efst-a-baugi/frettir/stok-frett/2008/06/07/Vatnajokulsthjodgardur-stofnadur/</ref>. Hann nær yfir allan [[Vatnajökull|Vatnajökul]] og stór svæði í nágrenni hans, á [[Miðhálendið|miðhálendinu]] og yfir þjóðgarðana sem fyrir voru í [[Skaftafell]]i og [[Jökulsárgljúfur|Jökulsárgljúfrum]]. Þjóðgarðurinn spannar um 14% af flatarmáli Íslands (14.141 ferkílómetrar árið 2019) og er næststærstur þjóðgarða í Evrópu á eftir [[Yugyd Va-þjóðgarðurinn|Yugyd Va-þjóðgarðinum]] í [[Úralfjöll]]um Rússlands.

 

Sérstaða Vatnajökulsþjóðgarðs felst einkum í fjölbreytilegum landslagsformum sem samspil [[eldvirkni]], [[jarðhiti|jarðhita]], jökuls og vatnsfalla hafa skapað. Vatnajökulsþjóðgarður er einstakur á heimsvísu vegna jarðsögu sinnar sem einkum er skrifuð af langvarandi átökum elds og íss. Margir staðir skarta eldfjöllum eða jöklum og sumir hvoru tveggja en enginn þeirra státar af átökum flekaskila, möttulstróks og hveljökuls eins og Vatnajökulsþjóðgarður. Samspil þessara fyrirbæra og annarra landmótunarafla hefur skapað síbreytilegri og fjölbreyttari náttúru en finna má á nokkru öðru afmörkuðu svæði í heiminum. Í Vatnajökulsþjóðgarði má upplifa sköpun jarðar í beinni útsendingu.