„Pourquoi-Pas ?“: Munur á milli breytinga

'''''Pourquoi-Pas ?''''' („hvers vegna ekki?“ á [[franska|frönsku]]) var heiti sem [[Frakkland|franski]] vísindamaðurinn [[Jean-Baptiste Charcot]] notaði á nokkur rannsóknarskip sín. Frægast þessara skipa var Pourquoi-Pas ? IV sem var smíðað fyrir hann í [[Saint-Malo]] og sem hann ætlaði sér að nota í annan leiðangur sinn til [[Suðurskautslandið|Suðurskautslandsins]]. Smíði skipsins hófst [[1907]] og því var hleypt af stokkunum [[18. maí]] [[1908]]. ''Pourquoi-pas?'' var 825 [[tonn]]a þrímastra [[barkskip]] með [[gufuvél]], 40 [[metri|metrar]] að lengd og 4,2 metrar á breidd. [[Skipsskrokkur]]inn var allur styrktur með [[stál]]- og [[sink]]þynnum. Á skipinu var gríðarlega hár [[strompur]] og það hýsti þrjár fullbúnar rannsóknarstofur og [[bókasafn]].

 

[[1912]] varð skipið fyrsta [[skólaskip]] franska flotans. Á næstu árum, til [[1925]], sigldi Charcot skipinu í fjölda leiðangra um Norður-[[Atlantshaf]], [[Ermarsund]] og [[Miðjarðarhaf]] og kom meðal annars til [[Færeyjar|Færeyja]]. Rannsóknir hans snerust fyrst og fremst um [[steinafræði]] og [[jarðfræði]] neðansjávar.

 

[[1925]] lét Charcot af stjórn skipsins vegna aldurs, en var áfram um borð sem leiðangursstjóri. [[1926]] kannaði skipið austurströnd [[Grænland]]s þar sem þeir söfnuðu [[steingervingur|steingervingum]].