„Imran Khan“: Munur á milli breytinga

Forsætisráðherra Pakistans
Efni eytt Efni bætt við
Ný síða: {{Forsætisráðherra | nafn = Imran Khan</br>مران خان | búseta = | mynd = Imran Khan at the Shanghai Cooperation Organisation summit in 2019 (por...
(Enginn munur)

Útgáfa síðunnar 1. október 2019 kl. 00:33

Imran Ahmed Khan Niazi (f. 5. október 1952) er pakistanskur stjórnmálamaður og fyrrum krikketleikmaður sem er núverandi forsætisráðherra Pakistans. Khan tók við embætti eftir að stjórnmálaflokkur hans, Réttlætishreyfingin (Pakistan Tehreek-e-Insaf eða PTI), vann sigur í þingkosningum árið 2018.[1]

Imran Khan
مران خان
Imran Khan árið 2019
Forsætisráðherra Pakistans
Núverandi
Tók við embætti
18. ágúst 2018
Persónulegar upplýsingar
Fæddur5. október 1952 (1952-10-05) (71 árs)
Lahore, Pakistan
StjórnmálaflokkurRéttlætishreyfing Pakistans
MakiJemima Goldsmith (g. 1995; skilin 2004)
Reham Khan (g. 2015; skilin 2015)
Bushra Bibi (g. 2018)
Börn2
HáskóliOxford-háskóli
StarfStjórnmálamaður, krikketleikmaður
Undirskrift

Áður en Khan hóf þátttöku í stjórnmálum var hann atvinnumaður í krikket og var sem slíkur einn ástsælasti íþróttamaður Pakistans.[2] Khan var fyrirliði pakistanska landsliðsins í áratug og leiddi liðið til sigurs í heimsmeistaramótinu í krikket árið 1992. Var þetta í fyrsta og eina sinn sem Pakistan hefur unnið mótið.

Khan hóf þátttöku í stjórnmálum Pakistans eftir að íþróttaferli hans lauk árið 1992. Hann stofnaði pakistönsku Réttlætishreyfinguna árið 1996 en hreyfingin átti lengst af erfitt uppdráttar. Khan var handtekinn árið 2007 eftir að hann tók þátt í mótmælum gegn neyðarlögum sem höfðu verið sett í landinu og krafðist þess að Pervez Musharaff, þáverandi forsætisráðherra, yrði hengdur fyrir einræðistilburði.[3] Khan var látinn laus viku síðar.[4]

Réttlætishreyfingin bætti verulegu fylgi við sig árin 2016-2017 eftir að hneykslismál skóku pakistönsku ríkisstjórnina. Khan var einna fremstur í flokki þeirra sem gagnrýndu forsætisráðherrann Nawaz Sharif, sem var fangelsaður eftir að upplýst var í Panamaskjölunum að hann væri eigandi aflandsfélaga.[5] Árið 2018 vann Réttlætishreyfingin stórsigur í þingkosningum og varð stærsti flokkurinn á pakistanska þinginu. Aðrir stjórnmálaflokkar sökuðu Khan um stórfellt kosningasvindl[6] en Khan var engu að síður kosinn forsætisráðherra þann 18. ágúst sama ár.[1] Þetta var aðeins í annað skipti í sögu Pakistans sem friðsamleg stjórnarskipti hafa farið fram.

Tilvísanir

  1. 1,0 1,1 Þorvarður Pálsson (17. ágúst 2018). „Khan kosinn forsætisráðherra Pakistan“. RÚV. Sótt 30. september 2019.
  2. Gunnar Hrafn Jónsson (26. júlí 2018). „Krikketstjarnan Imran Khan líklega forsætisráðherra Pakistans“. Vísir. Sótt 1. október 2019.
  3. „Þjóðhetja handtekin“. Morgunblaðið. 15. nóvember 2007. Sótt 1. október 2019.
  4. „Imr­an Khan lát­inn laus í Pak­ist­an“. mbl.is. 21. nóvember 2007. Sótt 1. október 2019.
  5. Oddur Stefánsson (13. ágúst 2017). „Ísland austursins“. Kjarninn. Sótt 1. október 2019.
  6. Kristján Róbert Kristjánsson (26. júlí 2019). „Khan með yfirburðastöðu“. RÚV. Sótt 1. október 2019.


Fyrirrennari:
Nasir-ul-Mulk
(starfandi)
Forsætisráðherra Pakistans
(18. ágúst 2018 –)
Eftirmaður:
Enn í embætti