„Bólusótt“: Munur á milli breytinga

'''Bólusótt''' (á [[Latína|latínu]] ''Variola'' eða ''Variola vera'') var bráðsmitandi [[sjúkdómur]] sem lagðist á mennfólk.<ref>Ryan, K.J. og Ray, C.G. (ritstj.), ''Sherris Medical Microbiology'' (McGraw Hill, 2004): 525–7.</ref> Talið er að sé búið að útrýma sóttinni. Tvær [[veira|veirur]] geta valdið bólusótt, ''variola maior'' og ''variola minor''. ''Variola maior'' er skæðari og dregur sjúklinginn til dauða í 3–35% tilvika. Á hinn bóginn er ''variola minor'' mildari og leiðir til dauða í innan við 1% tilvika.<ref>Behbehani, A.M., „The smallpox story: life and death of an old disease“, ''Microbiological Revue'' '''47''' (4) (1983):455-509.</ref> Ör á húð eru dæmigerð fyrir þá sem fengið hafa bólusótt. Sjúkdómurinn getur leitt til blindu og ófrjósemi hjá körlum.

Bólusótt olli dauða um 300–500 milljóna manna á [[20. öld]]. [[World Health Organization]] ([[WHO]]) áætlar að [[1967]] hafi 15 milljónir smitast af sjúkdómnum og tvær milljónir látist. Í kjölfar [[bólusetning]]arherferða á [[19. öld|19.]] og [[20. öld]] tókst að útrýma bólusótt árið [[1979]]. Engum sjúkdóm hefur verið fullkomlega útrýmt síðan. Árangrinum er ekki síst að þakka því að aðeins ein veira eða tvær valda sjúkdómnum.