„Gran Canaria“: Munur á milli breytinga

'''Gran Canaria''' (stundum kölluð '''Kanarí''' á íslensku) er [[Spánn|spænsk]] eyja. Hún liggur á hnitunum 28°'N og 15°35'V. Mannfjöldi eyjunnar er 847.830 (2015). Hún er næstfjölmennasta eyjan af [[Kanaríeyjar|Kanaríeyjum]] á eftir [[Tenerife]] og þriðja stærsta eyjan. Eyjan er í Atlantshafi[[Atlantshaf]]i í um það bil 150 km. fjarlægð frá norðvesturströnd [[Afríka|Afríku]] og er 1560 km² að flatarmáli. Hæsti punkturinn er 1949 metrar (Pico de Las Nieves). Helstu ferðaskrifstofur í Evrópu hafa útnefnt eyjuna sem þann ferðamannastað, þar sem loftslag er best í heimi.

Talið er að frumbyggjar Gran Canaria, [[Guanche]] hafi komið til eyjarinnar á árinu 500 fyrir Krist. Eyjan var í fyrstu nefnd ''Tamarán'' eða land hinna hugrökku. Eftir yfir 100 ára stríð Evrópulanda um völd á eyjunni, var hún innlimuð í Spánarveldi árið 1483 undir stjórn Ísabellu I. Spánardrottningar.

Gran Canaria er kölluð "mini-álfa" vegna fjölbreytilegs loftslags og landslags eyjarinnar, sem heyrir að einum þriðja hluta undir verndarsvæði [[UNESCO]]. Þar má finna langar strendur ýmist með gulum sandi eða svörtum og græn svæði og skóga, lítil þorp og litla bæi ásamt stórborginni [[Las Palmas de Gran Canaria|Las Palmas]] með um 390.000 íbúa. Nánast er hægt að draga línu um eyjuna miðja, suðurhluti eyjunna er gróðurlítill nema það, sem ræktað hefur verið. Norðurhlutinn er þakinn trjám (m.a. [[kanaríeyjafura|kanaríeyjafuru]]) og öðrum gróðri en þar er einnig mun meiri ræktun ávaxta og grænmetis.