„Ísafold“: Munur á milli breytinga

'''''Ísafold''''' var [[Ísland|íslenskt]] [[tímarit]] sem var stofnað af [[Björn Jónsson|Birni Jónssyni]], sem ritstýrði því lengst af. Það kom fyrst út árið [[1874]] og var gefið út til ársins [[1929]]. Það var lengi víðlesnasta blað landsins.

Björn Jónsson stofnaði blaðið þegar hann sneri heim frá námi í [[Kaupmannahöfn]] í samstarfi við útgefanda ''[[Víkverji|Víkverja]]'', [[Jón Guðmundsson]] landshöfðingjaritara. ''Víkverji'' var lagður niður um leið og ''Ísafold'' hóf göngu sína. Nafnabreytingin stafaði af því að Björn vildi gefa út blað fyrir allt landið, en ''Víkverji'' var bæjarblað í Reykjavík. Fyrstu árin var blaðið prentað í [[Landsprentsmiðjan|Landsprentsmiðjunni]] en árið 1877 setti Björn upp nýja prentsmiðju, [[Ísafoldarprentsmiðja|Ísafoldarprentsmiðju]], sem hann hafði keypt frá Danmörku til að prenta blaðið, meðal annars vegna óánægju með [[ritskoðun]] sem Landsprentsmiðjan stundaði.

Þegar Björn varð [[ráðherra Íslands]] 1909 tók sonur hans, [[Ólafur Björnsson (f. 1884)|Ólafur Björnsson]], við ritstjórninni. 1913 stofnaði hann ''[[Morgunblaðið]]'' ásamt [[Vilhjálmur Finsen|Vilhjálmi Finsen]]. Útgáfufélag ''Morgunblaðsins'' (sem síðar nefndist [[Árvakur]]) keypti svo ''Ísafold'' af Ólafi 1919 og eftir það var blaðið gefið út sem mánudagsútgáfa ''Morgunblaðsins'' og sérstakt síðdegisblað.