„Sívaliturn“: Munur á milli breytinga

'''Sívaliturn''' er [[Sívalningur|sívalur]] turn, sem stendur við [[Købmagergade]] (áður Kjødmangergade) í [[miðborg]] [[Kaupmannahöfn|Kaupmannahafnar]] í [[Danmörk]]u. Turninn var byggður sem [[stjörnuathugunarstöð]] í stjórnartíð [[Kristján IV|Kristjáns IV]], á [[ár]]unum [[1637]] til [[1642]] ásamt [[Þrenningarkirkjan|Þrenningarkirkjunni]] og fyrsta háskólabókasafninu. Upp turninn liggur, í stað tröppugangs, breiður vegur, 209 [[Meter|metrar]] að lengd sem fer sjö og hálfan hring um turninn þar til komið er á toppinn.

 

Heimildir sýna að konungurinn, Kristján IV, hefur tryggt sér landareignina þar sem turninn og Þrenningarkirkjan stendur nú, þegar árið [[1622]]. Árið [[1635]] var farið að huga að byggingu og [[stjörnufræði]]ngur konungs [[Christian Longomontanus]] stakk þá upp á byggingu stjörnuathugunarstöðvar. [[Holland|Hollendingar]] höfðu byggt slíkan turn við háskólann [[1633]] og Kristjáni hefur eflaust verið umhugað um að taka áfram upp þráðinn í stjörnuathugunum eftir [[Tycho Brahe]] og [[Úraníuborg]]. Auk þess nýttust slíkar rannsóknir beint við sjóferðir, þar sem siglt var eftir stjörnunum um nætur, og ekkert skorti á áhuga konungs á því sviði. Ákveðið var að turninn skyldi byggður í tengslum við Þrenningarkirkjuna og fyrsta háskólabókasafnið.

 

Byggingameistari fyrir alla bygginguna var valinn [[Hans van Steenwinkel yngri]], sonur hins konunglega byggingameistara. Hann lést í miðju verki árið [[1639]] og við tók Hollendingurinn [[Leenart Blasius]]. Byggingarefnið í grunninn kom úr virkisveggnum og múrsteinar frá Hollandi. Hornsteinn turnsins var lagður [[7. júlí]] [[1637]]. Byggingin tafðist oft sökum peningaleysis. Árið [[1640]] var hafist handa við að innrétta toppinn sem stjörnuathugunarstöð. Hönnunin byggðist á Úraníuborg Brahes á [[Hveðn]].

 

 

==Áletrun á turninum==

Efst á framhlið turnsins er áletrun sem er [[myndagáta]], hönnuð af Kristjáni IV sjálfum.