„Vaxtarga“: Munur á milli breytinga
Ný síða |
(Enginn munur)
|
Útgáfa síðunnar 12. maí 2019 kl. 11:54
Vaxtarga (fræðiheiti: Lecanora polytropa) er tegund fléttna af törguætt. Hún er mjög algeng á basalti á Íslandi og er nánast finnanleg á hverjum steini.[1]
Vaxtarga | ||||||||||||||
---|---|---|---|---|---|---|---|---|---|---|---|---|---|---|
Vaxtarga í Nevada-fylki.
| ||||||||||||||
Vísindaleg flokkun | ||||||||||||||
| ||||||||||||||
Tvínefni | ||||||||||||||
Lecanora polytropa |
Útlit
Vaxtarga hefur fölgult, gult eða grængult reitaskipt þal sem er samfellt eða úr reitflögum. Vaxtarga hefur alltaf askhirslur á þalinu. Askhirslurnar eru gular eða bleikleitar og vaxkenndar, fyrst flatar en verða seinna kúptar. Askhirslurnar hafa ljósgula þalrönd.[1]
Askgróin eru glær, einhólfa, sporbaugótt og 9-14 x 5-6,5 míkron að stærð.[1]
Útbreiðsla og búsvæði
Vaxtarga vex á basalti um allt land frá láglendi upp í um 1500 metra hæð. Hæst hefur hún fundist ofarlega á Snæfelli í um 1750 metra hæð. Hún hefur stundum fundist vaxandi á beinum, trjáberki og morknum viði.[1]
Efnafræði
Vaxtarga inniheldur fléttuefnin zeórín, úsninsýru og rangiforminsýru.[1] Þalsvörun vaxtörgu er K- eða K+ daufgul, C-, KC + gul og P neikvæð.[1]