„Halldóra Eldjárn“: Munur á milli breytinga

Efni eytt Efni bætt við
Kvk saga (spjall | framlög)
Ný síða: '''Halldóra Eldjárn''' (24. nóvember 192321. desember 2008) var forsetafrú Íslands 1968-1980 og eiginkona Kristján Eldjá...
(Enginn munur)

Útgáfa síðunnar 28. apríl 2019 kl. 23:23

Halldóra Eldjárn (24. nóvember 192321. desember 2008) var forsetafrú Íslands 1968-1980 og eiginkona Kristjáns Eldjárns forseta Íslands.

Halldóra er fædd og uppalin á Ísafirði. Foreldrar hennar voru hjónin Ingólfur Árnason og kona hans Ólöf Sigríður Jónsdóttir. Halldóra lauk gagnfræðaprófi á Ísafirði og fór þaðan til náms í Verslunarskóla Íslands og lauk verslunarprófi þaðan árið 1942. Að loknu námi starfaði Halldóra í nokkur ár við skrifstofustörf í Reykjavík.

Árið 1947 gengu Halldóra og Kristján Eldjárn í hjónaband. Þau eignuðust fjögur börn en þau eru Ólöf Eldjárn ritstjóri og þýðandi, f. 1947, d. 2016, Þórarinn Eldjárn rithöfundur f. 1949, Sigrún Eldjárn rithöfundur og myndlistarkona f. 1954 og Ingólfur Árni Eldjárn tannlæknir f. 1960.

Kristján gegndi embætti þjóðminjavarðar og var heimili fjölskyldunnar í íbúð í húsi Þjóðminjasafnsins við Suðurgötu, allt þar til Kristján var kjörinn forseti Íslands árið 1968 og fjölskyldan flutti að Bessastöðum.

Kristján og Halldóra bjuggu að Bessastöðum til ársins 1980 er Kristján lét af embætti forseta Íslands. Kristján lést árið 1982 en eftir andlát hans starfaði Halldóra í nokkur ár hjá Orðabók Háskóla Íslands. [1]

Tilvísun

  1. https://www.mbl.is/frettir/innlent/2008/12/22/halldora_eldjarn_latin/