„Nursultan Nazarbajev“: Munur á milli breytinga
TKSnaevarr (spjall | framlög) Ný síða: {{Forsætisráðherra | forskeyti = | nafn = Nursultan Nazarbajev<br>{{small|Нұрсұлтан Назарбаев}}<br>{{small|نۇرسۇلتان نازاربايەۆ}} | mynd = Nu... |
(Enginn munur)
|
Útgáfa síðunnar 7. apríl 2019 kl. 21:33
Nursultan Nazarbajev (f. 6. júlí 1940) er kasaskur stjórnmálamaður sem var forseti Kasakstans frá sjálfstæði landsins frá Sovétríkjunum árið 1991 þar til hann sagði af sér árið 2019.[1]
| Nursultan Nazarbajev Нұрсұлтан Назарбаев نۇرسۇلتان نازاربايەۆ | |
|---|---|
 | |
| Forseti Kasakstans | |
| Í embætti 24. apríl 1990 – 20. mars 2019 | |
| Persónulegar upplýsingar | |
| Fæddur | 6. júlí 1940 Tsjemolgan, kasaska sovétlýðveldinu, Sovétríkjunum |
| Þjóðerni | Kasaskur |
| Stjórnmálaflokkur | Nur Otan |
| Maki | Sara Nazarbajeva |
| Trúarbrögð | Súnní-íslam (áður trúleysi) |
| Börn | 3 |
| Starf | Stjórnmálamaður |
| Undirskrift |  |
Fyrir sjálfstæði landsins hafði Nazarbajev verið aðalritari kasaska sovétlýðveldisins frá árinu 1989. Stjórn Nazarbajevs sætti frá byrjun ásökunum um einræði, spillingu og mannréttindabrot.[2] Nazarbajev var endurkjörinn forseti árin 1999, 2005, 2011 og 2015 án verulegrar mótstöðu. Engin kosning í Kasakstan hefur uppfyllt lýðræðiskröfur eftirlitsmanna frá stofnun ríkisins.
Eftir um þrjátíu ár sem leiðtogi Kasakstans sagði Nazarbajev af sér sem forseti þann 19. mars árið 2019. Hann er þó enn „leiðtogi þjóðarinnar“ samkvæmt stjórnarskrá Kasakstans og verður auk þess formaður öryggisráðs landsins til æviloka.[1]
Afmælisdagur Nazarbajevs, 6. júlí, hefur verið þjóðhátíðardagur Kasakstans frá árinu 2008.[3] Árið 2019, daginn eftir afsögn forsetans, var höfuðborgin Astana nefnd Nursultan í höfuðið á Nazarbajev.[4]
Tilvísanir
- ↑ 1,0 1,1 Ásgeir Tómasson (19. mars 2019). „Forseti Kasakstans segir af sér“. RÚV. Sótt 7. apríl 2019.
- ↑ „Vaxandi kúgun í Kasakstan“. Morgunblaðið. 18. júlí 2002. Sótt 7. apríl 2019.
- ↑ „Gerður að þjóðhátíðardegi“. Fréttablaðið. 28. júní 2008. Sótt 7. apríl 2019.
- ↑ Kristján Róbert Kristjánsson (20. mars 2019). „Astana heitir nú Nursultan“. RÚV. Sótt 7. apríl 2019.
| Fyrirrennari: Fyrstur í embætti |
|
Eftirmaður: Kassym-Jomart Tokajev | |||