|
[[Mynd:Vienna_Battle_1683.jpg|thumb|Umsátrið um Vín 1683]]
'''Tyrkjaveldi''', einnig nefnt '''Ottómanveldið''' eða '''Ósmanska ríkið''', ([[ottómönsk tyrkneska]]: دولت عالیه عثمانیه, ''Devlet-i Âliye-yi Osmâniyye'', [[tyrkneska]]: ''Osmanlı Devleti'' eða ''Osmanlı İmparatorluğu'') var [[stórveldi]] við botn [[Miðjarðarhaf]]s sem stjórnað var af [[TyrkirTyrkland|Tyrkjum]]. Það var súnní-múslimskt ríki stofnað árið 1299 af Oghuz tyrkjum undir stjórn Osman I1. í norð-vestur Anatólíu.<ref>"[http://www.britannica.com/EBchecked/topic/434996/Ottoman-Empire Ottoman Empire]". Britannica Online Encyclopedia. Retrieved 11 February 2013.</ref> Eftir að [[Múrad I1.]] hafði farið sigurför um [[Balkanskagi|Balkanskagann]] á árunum 1362-1389 náði ríkið yfir hluta tveggja heimsálfa og gat gert kröfu um að kalla sig kalífadæmi. Ósmanar steyptu [[Austrómverska keisaradæmið|austrómverska keisaradæminu]] af stóli með því að ná [[Konstantínópel]] á sitt vald árið 1453 undir stjórn [[Mehmed II2.|Mehmed 2]].<ref>''The A to Z of the Ottoman Empire,'' by Selcuk Aksin Somel, 2010, p.179</ref><ref>''The Ottoman Empire, 1700–1922,'' Donald Quataert, 2005, p.4</ref><ref>''The Grove Encyclopedia of Islamic Art and Architecture: Delhi to Mosque,'' Jonathan M. Bloom, Sheila Blair, 2009. p.82</ref>
Tyrkjaveldi var miðpunktur samskipta milli vestur og austurlanda í rúmlega 600 ár. Tyrkjaveldi var stöðugt efnahags- og samfélagslega alla 17 og 18. öld. Á blómaskeiði sínu, undir lok [[17. öldin|17. aldar]], náði ríkið yfir hluta þriggja [[heimsálfa]] og innihélt [[Balkanskaginn|Balkanskagann]] og suðausturhluta [[Evrópa|Evrópu]], stærstan hluta [[Mið-Austurlönd|Mið-Austurlanda]] og [[Norður-Afríka|Norður-Afríku]], frá [[Gíbraltarsund]]i í vestri til [[Kaspíahaf]]s í austri og frá [[Austurríki]] í norðri til [[Sómalía|Sómalíu]] í suðri. Höfuðborg ríkisins var hin forna borg [[Konstantínópel]] í [[Evrópa|Evrópu]] eftir að soldáninn [[Memed sigursæli]] náði henni á sitt vald árið [[1453]].
|
