|
Drangey er léleg
{{hnit|65|57|00|N|19|41|10|W|display=title|region:IS}}
[[Mynd:Drangey2010.JPG|thumb|right|Drangey í ágúst 2010]]
'''Drangey''' er [[eyja]] fyrir miðjum [[Skagafjörður|Skagafirði]]. Hennar er fyrst getið í [[Grettis saga|Grettis sögu]] en [[Grettir Ásmundarson sterki|Grettir]] hafðist þar við seinustu ár sín ásamt bróður sínum Illuga og þrælnum Glaumi. Hann var veginn í eynni. Eyjan hefur stundum verið nefnd „Vorbæra Skagfirðinga“, en þeir sóttu til hennar bæði egg og fugl á hverju vori. <ref>[http://timarit.is/view_page_init.jsp?pageId=1395646 Staldrað við í Glaumbæjarsafni; grein í Morgunblaðinu 1968]</ref> Drangey er að mestu úr [[móberg (jarðfræði)|móberg]]i.
Fuglalíf er fjölbreytt í Drangey þótt mest beri þar á svartfuglategundum: [[Stuttnefja|stuttnefju]], [[Langvía|langvíu]], [[Álka|álku]] og [[Lundi|lunda]]. Stuttnefjan og langvían verpa í [[bjarg (landform)|bjarginu]] sjálfu en álkan einkum í [[urð]]um undir því. Lundinn grefur sér aftur á móti holur á brúnunum. Auk þess verpa [[rita (fugl)|rita]] og [[fýll]] í björgunum og [[hrafn]] og [[Fálki|valur]] eiga sér þar einnig griðland.
Í gamalli [[Þjóðsaga|þjóðsögu]] segir að tvö [[nátttröll]] hafi verið á ferð með [[Kýr|kú]] sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur Kerling sunnan hennar. Karl var fast fyrir norðan eyna en féll í jarðskjálfta 1755.
Sigið er eftir eggjum í Drangey, en áður fyrr var fuglinn einnig veiddur á fleka sem lagðir voru á sjóinn. Voru þeir alsettir snörum úr hrosshári og nefndust „snöruflekar“. Voru þrír flekar jafnan tengdir saman með um það bil tveggja faðma löngum spotta. Saman nefndust þeir „niðurstaða“. Veiðimenn héldu lengst af til í byrgjum á fjörunni sem er við eyna sunnanverða. Þaðan reru þeir einnig til fiskjar. Var þar allt upp í 200 manna [[verstöð]] þegar flest var og fyrir kom að fuglafli fór yfir 200 þúsund í mestu aflaárum. Flekaveiðar lögðust af [[1966]].
== Tilvísanir ==
| 