„Paul Kagame“: Munur á milli breytinga

Kagame fæddist til fjölskyldu [[Tútsar|Tútsa]] í suðurhluta Rúanda. Þegar hann var tveggja ára batt bylting enda á pólitíska yfirburði Tútsa í Rúanda og fjölskylda Kagame flúði því til [[Úganda]], þar sem hann varði æskuárum sínum. Á níunda áratugnum barðist Kagame með uppreisnarher [[Yoweri Museveni]] og varð hátt settur herforingi eftir að Museveni varð forseti Úganda. Kagame gekk síðan til liðs við Föðurlandsfylkingu Rúanda (RPF), sem gerði innrás í Rúanda árið 1990. Leiðtogi samtakanna, [[Fred Rwigyema]], lést stuttu eftir að innrásin hófst og Kagame leysti hann af. Árið 1993 hafði Föðurlandsfylkingin lagt undir sig stóran hluta af Rúanda og samdi um vopnahlé við ríkisstjórnina. Þegar [[Juvénal Habyarimana]] forseti Rúanda var myrtur árið 1994 hófust [[Þjóðarmorðið í Rúanda|grimmileg fjöldamorð]] ofstækisfullra [[Hútúar|Hútú]]manna á um milljón Tútsum og Hútúum sem reyndu að verja þá. Kagame hélt stríðinu því áfram á ný og tókst að binda enda á þjóðarmorðið þegar Föðurlandsfylkingin steypti Hútú-stjórninni af stóli og tók völdin í Rúanda.

 

 

Samhliða árásunum á Hútúabúðirnar stóð Kagame fyrir tveimur innrásum í Saír. Í [[Fyrra Kongóstríðið|fyrri innrásinni]] (1996–97) steyptu rúandskir og úgandskir hermenn einræðisherranum [[Mobutu Sese Seko]] af stóli og komu uppreisnarmanninum [[Laurent-Désiré Kabila]] (sem breytti nafni landsins í [[Lýðræðislega lýðveldið Kongó]]) til valda. Kagame gerði aðra innrás næsta ár gegn ríkisstjórn Kabila (og síðar sonar hans, [[Joseph Kabila|Joseph]]) eftir að Kabila rak herafla Rúanda- og Úgandamanna úr landinu. Stríðið stigmagnaðist og varð að [[Seinna Kongóstríðið|meiriháttar styrjöld]] sem endaði ekki fyrr en með friðarsáttmála árið 2003.