„Konungsverslunin síðari“: Munur á milli breytinga

Konungur keypti öll hlutabréf [[Almenna verslunarfélagið|Almenna Verslunarfélagsins]] [[16. maí]] [[1774]]. Konungur yfirtók Íslandsverslunina í þeim tilgangi að efla atvinnuvegi landsins og hagnast í leiðinni. Konungsverslunin var í höndum verslunarfélags sem var í eigu konungs en var rekið sem sjálfstætt fyrirtæki. Konungssjóður fjárfesti mikla fjármuni í fyrirtækinu. Ríkjandi efnahagsstefna í [[Danmörk|Danmörku]] á þessum tíma síðari hluta 18. aldar var svokallaður [[kameralismi]] en í því fólst m.a. meiri ríkisafskipti af atvinnulífi en á tímum [[Kaupauðgisstefna|kaupauðgisstefnunnar]] (merkantílismans). Kameralistar voru undir sterkum áhrifum frá [[búauðgisstefna|búauðgisstefnu]] og litu svo á að uppspretta auðs væri í framleiðslu en ekki utanríkisviðskiptum.