„Ungtyrkir“: Munur á milli breytinga

Baráttunni milli þessara tveggja fylkinga Ungtyrka lauk í janúar árið 1913 þegar miðstjórn Samstöðu- og framfaranefndarinnar framdi valdarán. Úr valdaráninu varð til einræðisstjórn þremenningabandalags [[Talaat Pasja]] innanríkisráðherra, [[Enver Pasja]] hermálaráðherra og [[Djemal Pasja]] flotamálaráðherra. „Pasjarnir þrír,“ eins og þeir urðu kallaðir, fóru með öll völd í Tyrkjaveldi frá árinu 1913 til 1918. Á þeim tíma komu þeir á nánu samstarfi við [[Þýskaland|þýska keisaradæmið]] og gengu að endingu við bandalag við Þjóðverja gegn bandamönnum í [[Fyrri heimsstyrjöldin|fyrri heimsstyrjöldinni]]<ref>Akçam (2006), bls. 153</ref> Á meðan Tyrkjaveldi barðist í styrjöldinni stóð stjórn pasjanna þriggja einnig fyrir [[Þjóðarmorð Tyrkja á Armenum|þjóðarmorði Tyrkja á Armenum]].<ref>Akçam (2012) Young Turks’ Crime Against Humanity : The Armenian Genocide and Ethnic Cleansing in the Ottoman Empire, Princeton University Press, Princeton, [[New Jersey|NJ]], bls. 203</ref> Eftir ósigur Tyrkja í stríðinu byrjaði baráttan milli fylkinga Ungtyrkja á ný. Frelsis- og samlyndisflokkurinn náði aftur höldum á ríkisstjórn Tyrkjaveldisins og neyddi pasjana þrjá til að flýja land. Framfara- og samlyndisstjórnin var þó stuttlíf því Tyrkjaveldi hrundi stuttu síðar.