„Ferdinand Foch“: Munur á milli breytinga

Við byrjun stríðsins tók 20. herdeild Foch þátt í innrás Frakka í Þýskaland en hörfaði síðan aftur inn í Frakkland við gagnárás Þjóðverja og stöðvaði framsókn þeirra við Nancy. Foch var skipað að halda í vesturátt til að gæta [[París|Parísar]] og hlaut hann mikið lof fyrir þátt sinn í sigri bandamanna í orrustinni við Marne þar sem hann stýrði níunda franska hernum. Foch var hækkaður í tign og gerður að aðstoðaryfirherforingja norðurhluta Frakklands, þar sem hann þurfti að vinna með breskum herafla við Ypres og [[Orrustan við Somme|Somme]]. Í lok ársins 1916 var Foch sendur til Ítalíu vegna ónógs árangurs sóknarinnar auk óvinskapar við aðra hernaðarleiðtoga Frakka.

 

 

Þann 11. nóvember 1918 þáði Foch beiðni Þjóðverja um vopnahlé. Foch mælti með friðarsáttmálum sem ættu að gera Þjóðverjum ókleift að ógna Frökkum til frambúðar. Honum þótti [[Versalasamningurinn]] taka of mjúklega á Þjóðverjum og sagði hann við undirritun hans þann 28. júní 1919: „Þetta er ekki friður. Þetta er vopnahlé í tuttugu ár.“ Foch reyndist sannspár því [[seinni heimsstyrjöldin]] byrjaði tuttugu árum og sextíu og fjórum dögum síðar.