„Georges Clemenceau“: Munur á milli breytinga

Efni eytt Efni bætt við
Ekkert breytingarágrip
Ekkert breytingarágrip
Lína 28:
 
== Æviágrip ==
Clemenceau var sonur læknis og sjálfur menntaður í læknisfræði. Hann var bæjarstjóri átjánda hverfis Parísar og forseti héraðsráðs borgarinnar við stofnun þriðja franska lýðveldisins auk þess að sitja á þingi fyrir Öfgarepúblikanaflokkinn árin 1871 og 1876 – 1893. Clemenceau kom til varnar þeirra sem höfðu átt þátt í [[Parísarkommúnan|Parísarkommúnunni]] og bað um náðun fyrir þá. Hann var óvinveittur prestastéttinni og studdi [[Aðskilnaður ríkis og kirkju|aðskilnað ríkis og kirkju]]. Auk þess var hann andstæðingur frönsku [[Nýlendustefna|nýlendustefnunnar]] og kom því til leiðar að [[Jules Grévy]] sagði af sér sem forseti Frakklands vegna ágreinings um hana. Clemenceau var stofnandi tímaritsins ''La Justice'' og samtaka um borgararéttindi auk þess sem hann vann lengi hjá dagblaðinu ''L'Aurore'' og tók virkan þátt í málsvörn [[Alfred Dreyfus|Alfreds Dreyfusar]]. Hann var ákafur stuðningsmaður þess að Frakkland legði áherslu á að endurheimta héröðin Alsace-Moselle, sem [[Þýskaland]] hafði haft af Frakklandi í lok [[Fransk-prússneska stríðið|fransk-prússneska stríðsins]] árið 1871.
 
Árið 1902 var Clemenceau kjörinn á þing í Var-kjördæmi í suðurhluta Frakklands og var gerður að innanríkisráðherra árið 1906. Hann leit á sig sem „yfirlöggu Frakklands“ og hlaut gælunafnið „Tígrisdýrið“ eða „''le Tigre''“. Í lok ársins 1906 var hann gerður að forsætisráðherra og gegndi þeirri stöðu í þrjú ár ásamt innanríkisráðherraembættinu. Eftir að ráðherratíð hans lauk gekk Clemenceau aftur á þing og stofnaði tímaritið ''L'Homme libre'' („''Frjálsi maðurinn''“) en breytti nafni blaðsins í ''L'Homme enchaîné'' („''Hlekkjaði maðurinn''“) eftir að hafa orðið fyrir ritskoðun í byrjun [[Fyrri heimsstyrjöldin|fyrri heimsstyrjaldarinnar]].