Góðtemplarareglan á Íslandi

Góðtemplarareglan á Íslandi er hluti af alþjóðlegri bindindishreyfingu góðtemplara sem skammstafað er með I.O.G.T. (Independent Order of Good Templars) en markmið reglunnar var að vinna að útrýmingu áfengra drykkja og siðbót einstaklinga. Góðtemplarastúkur hófu starfsemi á Íslandi árið 1884. Hreyfingin var áberandi og áhrifamikil í íslensku þjóðlífi fyrir og eftir aldamótin 1900 og náði því fram að aðflutningsbann var sett á áfengi í lögum frá Alþingi árið 1909. Bannárin eða árin sem aðflutningsbannið var í gildi voru 1915-1935.