Forseti Írans

Forseti Írans er stjórnarleiðtogi Írans. Hann er hæst setti stjórnmálamaður landsins sem er kjörinn í almennum kosningum en heyrir undir æðsta leiðtoga Írans sem er þjóðhöfðingi landsins. Forsetinn er yfirmaður framkvæmdavaldsins og hefur vald til að gera samninga við erlend ríki, sjá um fjármál ríkisins og ráðningar, og skipa ráðherra háð samþykki Íransþings. Æðsti leiðtoginn hefur samt bein áhrif á utanríkisstefnu, herinn og kjarnorkuáætlun landsins.

Forsetinn er kosinn til fjögurra ára í senn og má ekki sitja lengur samfellt en tvö kjörtímabil. Núverandi forseti er Hassan Rouhani sem tók við embætti árið 2013.

Listi yfir forseta Írans

Nafn	Mynd	Kjörtímabil	Fæðingardagur
Abolhassan Banisadr		1980–1981	22. mars 1933
Ali Khamenei		1981–1989	17. júlí 1939
Akbar Hashemi Rafsanjani		1989–1997	25. ágúst 1934
Mohammad Khatami		1997–2005	29. september 1943
Mahmoud Ahmadinejad		2005–2013	28. október 1956
Hassan Rouhani		2013–	12. nóvember 1948