þetta er rosa ómerkilegt[[Mynd:FlightOverVatnajoekull.jpg|thumb|right|Mynd af Vatnajökli tekin úr flugvél.]]
'''Vatnajökulsþjóðgarður''' er [[þjóðgarður]] á [[Ísland]]i sem stofnaður var [[7. júní]] [[2008]].
Þjóðgarðurinn var við stofnun yfir 13.952 km² að stærð eða sem samsvarar tæp 14% af yfirborði Íslands og er einn stærsti þjóðgarður í [[Evrópa|Evrópu]]<ref>Fræðsla og fróðleikur - Um Vatnajökulsþjóðgarð http://www.vatnajokulsthjodgardur.is/fraedsla/</ref>. Vatnajökulsþjóðgarður mun í fyrstu ná til alls þjóðgarðsins í [[Skaftafell]]i svo og þjóðgarðsins í [[Jökulsárgljúfur|Jökulsárgljúfrum]] auk nánast alls [[Vatnajökull|Vatnajökuls]] og helstu áhrifasvæða hans, að vestan, norðan, austan og sunnan. Meðal þess eru [[Tungnafellsjökull]], [[Vonarskarð]], [[Hágönguhraun]] og [[Veiðivatnahraun]], vestan Vatnajökuls og [[Vesturöræfi]], [[Snæfell]], [[Eyjabakkar]] og hluti [[Hraun]]a, norðan Vatnajökuls. Land í Vatnajökulsþjóðgarði verður að mestu í eigu ríkisins. Stjórn Vatnajökulsþjóðgarðs sér um rekstur nokkurra friðlýstra svæða í nágrenni þjóðgarðsins, svæða sem í framtíðinni er reiknað með að verði hluti þjóðgarðsins. Gert er ráð fyrir að Vatnajökulsþjóðgarður muni stækka frekar á næstu misserum og árum og innan hans verði m.a. [[Langisjór]].
== Saga þjóðgarðsins ==
þetta er rosa ómerkilegt.
[[Ríkisstjórn Íslands]] samþykkti þann 10. nóvember 2006 að leggja fram stjórnarfrumvarp um Vatnajökulsþjóðgarð. Frumvarpið var lagt fyrir [[Alþingi]] og samþykkt þar [[28. mars]] [[2007]] og gekk í gildi [[1. maí]] [[2007]].
== Rekstur þjóðgarðsins ==
Gestastofur verða meginstarfstöðvar þjóðgarðsins. Nú þegar eru tvær gestastofur innan þjóðgarðsins, í [[Ásbyrgi]] og í [[Skaftafell]]i. Fyrirhugað er síðan að opna gestastofur á fjórum öðrum stöðum: [[Mývatnssveit]], [[Skriðuklaustur|Skriðuklaustri]], [[Höfn í Hornafirði|Höfn]], og [[Kirkjubæjarklaustur|Kirkjubæjarklaustri]]. Sumarið 2008 störfuðu um 40 manns í þjóðgarðinum við landvörslu á eftirfarandi landvörslustöðvum:
[[Herðubreiðarlindir]], [[Drekagil við Öskju]], [[Kverkfjöll]], [[Hvannalindir]], við [[Snæfell]], á [[Lónsöræfi|Lónsöræfum]], í [[Laki|Laka]], í [[Hrauneyjar|Hrauneyjum]] og við Nýjadal/Vonarskarði. Í framtíðinni er einnig fyrirhugað að koma á landvörslustöð á Heinabergssvæðinu.
Vatnajökulsþjóðgarður er ríkisstofnun sem lýtur sjö manna stjórn skipaðri af [[Umhverfis- og auðlindaráðherra Íslands|umhverfis- og auðlindaráðherra]]. Fjórir af sjö stjórnarmönnum koma úr sveitarfélögum sem liggja að svæðinu, einn er fulltrúi [[náttúruverndarsamtök|náttúruverndarsamtaka]] og formaður og varaformaður eru skipaðir af umhverfisráðherra án tilnefningar.
== Heimildir og ítarefni ==
|