„Marcus Aemilius Lepidus (ræðismaður 46 f.Kr.)“: Munur á milli breytinga

 

Árið 43 f.Kr. myndaði Lepidus síðara þremenningasambandið með Marcusi Antoniusi og [[Ágústus|Octavíanusi]], erfingja Caesars. Þremenningasambandið var stofnað til fimm ára og tóku þeir í raun öll völd í vesturhluta Rómaveldis en Lepidus tók við stjórn Hispaniu og Gallíu Narbonensis. Á meðan var austurhluti Rómaveldis var á valdi Brutusar og Cassiusar, morðingja Caesars. Þremenningasambandið var í raun stofnað til höfuðs Brutusi og Cassiusi og því fóru Octavíanus og Marcus Antonius til Grikklands til að mæta þeim og börðust fylkingarnar í [[orrustan við Filippí|orrustunni við Filippí]]. Octavíanus og Antonius höfðu betur í orrustunni en á meðan herferðinni stóð var Lepidus í Róm. Að orrustunni lokinni var heimsveldinu öllu deilt upp í valdasvæði þremenninganna og að þessu sinni hlaut Lepidus stjórn yfir [[Africa (skattland)|Africu]] og Numidiu á meðan Octavíanus og Antonius hlutu báðir mun stærri yfirráðasvæði. Staða Lepidusar innan þremenningasambandsins varð veik við þetta og dvínuðu völd hans jafnt og þétt. Eftir að hafa deilt við Octavíanus um völd yfir [[Sikiley]] yfirgáfu flestir stuðningsmenn Lepidusar hann og hann missti öll sín embætti að undanskildu embætti ''pontifex maximus''.