„Kynþáttahatur“: Munur á milli breytinga

Evrópunefndin gegn kynþáttafordómum (''The European Commission against Racism and Intolerance'', ECRI) var sett á laggirnar árið 1993. Nefndin skilar árlegri skýrslu til Evrópulanda um þau merki sem í löndunum má finna um kynþáttahyggju, ásamt ábendingum til stjórnvalda um úrbætur.<ref>[http://www.velferdarraduneyti.is/media/utgafa2010/ECRI_00102009.pdf Umfjöllun um starfsemi og skýrslur ECRI, á íslensku, frá árinu 2010]</ref> Fjórða skýrsla nefndarinnar um stöðu mála á Íslandi kom út árið 2012. Er þar sagt að einhverjar framfarir hafi átt sér stað frá því nefndin skilaði þriðju skýrslunni árið 2007 en einnig gerðar eftirfarandi athugasemdir, meðal annarra:

 

# Minniháttar afbrot geti útilokað tilkall fólks til ríkisborgararéttar. Þá sé krafist kunnáttu í íslenskri tungu til að geta öðlast ríkisborgararétt, en fjárveitingar til íslenskunáms fyrir útlendinga hafi verið skertar.

# Í fjölmiðlum sé oft getið ríkisfangs eða uppruna fólks sem grunað er um glæpsamlegt athæfi þó að það sé málinu óviðkomandi. Ein sjónvarpsstöð og nokkrar vefsíður eru sagðar ástunda hatursorðræðu í garð múslima. Múslimasamfélög á Íslandi hafi enn ekki fengið leyfi til byggingar mosku, þrátt fyrir að ein þaraðlútandi umsókn hafi beðið afgreiðslu í tólf ár.