„Gottorp“: Munur á milli breytinga

Síðari hluta 19. aldar áttu þeir Þingeyrarfeðgar [[Ásgeir Einarsson]], f. 1809, alþingismaður og síðar sonur hans, hinn kunni hesta- vísna- kvenna- og vínmaður [[Jón Ásgeirsson]], f. 1839 Gottorp, ásamt fleiri jörðum við Húnafjörð og vötnin þar ([[Þingeyrar]], [[Leysingjastaðir|Leysingjastaði]], [[Geirastaðir|Geirastaði]], [[Sigríðarstaðir|Sigríðastaði]], [[Ásbjarnarnes]] og Gottorp).

 

 

Á fyrri hluta 20. aldar (1908-1942) bjó í Gottorp [[rithöfundur|rithöfundurinn]] og hestamaðurinn [[Ásgeir Jónsson frá Gottorp|Ásgeir Jónsson frá Gottorp]], f. 1876, sonur Jóns frá Þingeyrum, sem jafnan er kenndur við staðinn, en hann skrifaði bækurnar ''Horfnir góðhestar'', I og II bindi ''Forystufé'' og ''Samskipti manns og hests'' eftir miðja öldina. Við Kerlingarsíki er heimagrafreitur sem gerður var árið 1963 og var það síðasti heimagrafreitur sem leyfi var gefið fyrir á Íslandi. Þar voru hjónin frá í Gottorp, Ásgeir og kona hans Ingibjörg Björnsdóttir, f. 1886, lögð til hvílu í steyptu grafhýsi. Þar hjá var [[Blesi|Blesi]], hinn frægi hestur Ásgeirs, heygður á staðnum þar sem hann stóð jafnan og horfði yfir til æskustöðvanna í Vatnsdalnum.