„Singapúr“: Munur á milli breytinga

tld = sg |

}}

 

Singapúr var ásamt suðurhluta Malakkaskaga hluti af [[Srivijaya]] á miðöldum og síðan [[Chola-veldið|Chola-veldinu]]. Árið [[1587]] brenndu Portúgalir byggðina til að slíta á tengsl Malakkaskaga við [[Soldánsdæmið Johor]] í suðri. Núverandi byggð í Singapúr var stofnuð af breska landstjóranum í [[Bengkulu-borg]] á [[Súmatra|Súmötru]], [[Stamford Raffles]]. Breta vantaði höfn á sjóleiðinni til [[Kína]]. Eyjan heyrði þá aðeins að nafninu til undir soldáninn í Johor. Raffles stofnaði þarna [[fríhöfn]] og brátt tók íbúafjöldinn að vaxa mjög hratt. [[William Farquhar]] var gerður að landstjóra. Raffles sneri aftur árið 1822 en nýlendan var orðin illa þokkaður staður. Hann tók þá til hendinni, gerði nýtt skipulag ([[Jackson-skipulagið]]) og setti stjórnarskrá sem bannaði fjárhættuspil og þrælahald. Borgin óx enn á 19. öld og varð ein mikilvægasta [[hafnarborg]]in í heimshlutanum. Helstu viðskipti Singapúr fólust í [[umskipun]]. [[Japan]]ir lögðu Singapúr undir sig eftir [[orrustan um Singapúr|orrustuna um Singapúr]] [[1942]] og sýndu þar með fram á að Bretar gætu ekki alltaf varið lönd sín í Asíu. Eftir [[Síðari heimsstyrjöld]] fóru því íbúar Singapúr að krefjast sjálfstjórnar í auknum mæli. Fyrstu þingkosningar í Singapúr voru haldnar [[1948]] og landið fékk [[heimastjórn]] að hluta [[1955]]. Margir töldu að Singapúr væri best borgið í sambandi við önnur ríki á Malakkaskaga og Singapúr tók því þátt í stofnun [[Malasía|Malasíu]] [[1963]]. Vaxandi þjóðernishyggja í Malasíu og ótti við að viðskiptaveldið Singapúr drægi mátt úr [[Kúala Lúmpúr]] varð til þess að forsætisráðherra Malasíu, [[Tunku Abdul Rahman]], ákvað að reka Singapúr úr sambandsríkinu.