„Ásdís Thoroddsen“: Munur á milli breytinga

'''Ásdís Thoroddsen''' (fædd 26. febrúar 1959) er íslenskur [[leikstjóri]], framleiðandi og [[leikskáld]].

Hennar fyrstu spor í kvikmyndagerðinni var sem aðstoðarmaður við kvikmyndatöku í sjónvarpsmyndinni [[Paradísarheimt]], sem byggðist á samnefndri bók eftir [[Halldór Laxness]]. Þýska sjónvarpsstöðin NDR gerði myndina.

Eftir að hafa unnið hjá [[Ríkisútvarpið|Ríkisútvarpinu Sjónvarpi]] frá 1979 til 1981 fór hún í leikhúsfræði í [[Gautaborg]].

1983 fór hún með aðalhlutverkið í kvikmynd Kristínar Pálsdóttur, [[Skilaboð til Söndru]]. Sama ár hóf hún nám í Deutsche Film und Fernseh Akademie Berlin (dffb). 

Árið 1992 var fyrsta kvikmynd hennar í fullri lengd [[Ingaló]], tekin inn í keppnina Semaine de la critique á [[Kvikmyndahátíðin í Cannes|kvikmyndahátíðinni í Cannes]]. Ingaló fjallar um uppreisnargjarna stúlku og bróður hennar úr íslensku sjávarþorpi. Kvikmyndin Ingaló hlaut aðalverðlaun á Norrænu kvikmyndahátíðinni í [[Rúðuborg]] (Festival du cinéma nordique de Rouen) og [[Sólveig Arnarsdóttir]] hlaut verðlaun sem besta leikkonan fyrir hlutverk Ingulóar. Þá var kvikmyndin valin inn á sýningu í New Films/New Directors í [[Museum of Modern Art]] í [[New York-borg|New York]] árið 1993.

Ásdís hefur skrifað handrit fyrir eigin kvikmyndir, fyrir [[útvarp]] og svið. Ásdís hefur leikstýrt fjölda útvarpsleikrita og þáttaröðin Ástand sem hún samdi og leikstýrði var tilnefnd til Prix Europa sjónvarps- og útvarpsverðlaunanna.

=== Sem leikstjóri (kvikmyndir): ===

* Veðrabrigði (2015)

* Súðbyrðingur - saga báts (heimildamynd) (2010)

* Draumadísir (1995)

* Ingaló (1992)

=== Sem leikari: ===

* Nói albínói (2003)

* Skilaboð til Söndru (1983)