Aurskriða

Í miklum rigningum verður jarðvegurinn afar blautur og þungur ef holklaki er undir vegna þess að þá nær regnvatnið ekki að síga niður. Á hallandi landi getur þetta orðið til þess að gróðurþekjan rifnar í sundur í stað þess að leggjast í fellingar og aurskriður fara af stað. Þær fletta jarðveginum stórum spildum og bera mikið magn af jarðvegi og auri niður á láglendi. Aurskriður af þessu tagi eru hættulegar og hafa valdið stórtjóni og mannsköðum.