Koch-bræðurnir

Koch-bræðurnir eru áhrifamiklir athafnamenn í Bandaríkjunum og hafa þeir í gegnum tíðina aukið umsvif sín í pólitík í Bandaríkjunum í gegnum styrki, sérfræðingahópa (e.Think Tanks) og aðrar rásir. Talið er að þeir hafi með þessu getað haft nánast bein áhrif á ákveðna tegund löggjafar í Bandaríkjunum þar sem að þeir hafa verið einir stærstu bakhjarlar Repúblíkana-flokksins um árabil.

Bræðurnir

Þegar að talað er um "Koch-bræðurnar" er oftast verið að vitna í þá Charles G. Koch (f.1935) og David H. Koch (f.1940). Þeir eru tveir af fjórum bræðrum sem allir áttu hlut í Koch samsteypunni (e.Koch-industries) en nú eru Charles og David einir eftir. Hvor bróðir um sig er metinn á um 40.3 milljarða dollara og sitja því í 4.sæti af 400 ríkustu einstaklingum í Bandaríkjunum og vegna pólitískra áhrifa þeirra sitja þeir saman í 24.sæti yfir valdamestu einstaklinga í heiminum. Þessi völd hafa bræðurnir skapað í gegnum mikla styrki til þingmanna, öldungardeildaþingmanna og í gegnum ýmsar greinar samsteypu sinnar og sérfræðingahópa sem þeir hafa sett á laggirnar.

Pólitísk áhrif

Eins og fram kemur hér að ofan eru bræðurnir valdamiklir menn og hafa þeir safnað að sér þessum völdum í gegnum Repúblíkana-flokkinn í Bandaríkjunum. Koch Samsteypan er annað stærsta einkafyrirtæki í Bandaríkjunum og skýrir það líka hve mikil áhrif þeirra eru. Helsta barráttumál þeirra er barráttan gegn reglugerðum sem snerta losun gróðurhúsalofttegunda og hafa þeir nýtt sér bæði peninga og þrýsting frá sérfræðingahópum, sem njóta styrkja frá Koch Samsteypunni, til þess að hafa áhrif á útkomu dómsmála og úrskurð þingnefnda um reglugerðir í þeim málum sem snerta losu gróðurhúsalofttegunda. Þeir hafa hreinlega barist fyrir því að Umhverfisstofnun Bandaríkjanna (e. Environmental Protections Agency eða EPA) verið lögð niður. Það sem skýrir þessa hegðun er einna helst það að Koch Samsteypan er eitt af stærstu olíu- og gasfélögum í Bandaríkjunum og krefst sá geiri mikilliar losunar á gróðurhúsalofttegundum.