„Hagfræði“: Munur á milli breytinga

Aðferðafræði hagfræðinnar hefur verið beitt við rannsóknir á mörgum sviðum mannlegs [[hegðun|atferlis]]. Þróuðustu [[kenning]]ar hagfræðinnar eru almenns eðlis og gera tilraun til að útskýra [[viðskipti]] og [[markaður|markaðshegðun]] í stóru og smáu samhengi. Slíkum kenningum er gjarna beitt til að útskýra sértækari fyrirbæri, til dæmis fjármálamarkaði og vinnumarkaði. Ríkjandi kenningar hagfræðinnar eru misumdeildar. Í mörgum tilfellum hafa fleiri en ein hagfræðikenning verið þróuð til að útskýra sama fyrirbærið; sósíalísk hagfræði, [[stofnanahagfræði]] og [[austurrísk hagfræði]] eru dæmi um kenningalegar nálganir sem komast oft að gagnstæðri niðurstöðu við meginstraumskenningar.