„Kviðristu Kobbi“: Munur á milli breytinga

Frægasti raðmorðingi allra tíma sem drap fimm vændiskonur í austurhluta Lundúnaborgar[[Lundúnaborg]]ar árið 1888. Hann náðist aldrei og talið útilokað að hann verði nokkru sinni nafngreindur. Upp hefur komið fjöldi kenninga um hver átti í hlut og ein þeirra tengdi jafnvel meðlimi bresku krúnunnar við morðin. Líklegast er talið að þetta hafi verið almúgamaður sem enginn tók eftir í hverfi sem glæpamenn og vændiskonur héldu til í. Engin sönnunargögn hafa varðveist til þessa dags. Hafa ber í huga að tækni til að taka fingraför og lífsýni hafði ekki verið þróuð. Morðin voru sérstaklega óhugnanleg vegna þess hversu lík kvennanna voru illa útleikin. Fyrstu fjórar vændiskonurnar drap morðinginn á götum úti en þá síðustu á heimili hennar. Sökum þess var hún verst farin og talið er að ástæðan sé sú að morðinginn hafði meiri tíma og næði til að svívirða hana en þær fyrri.