„Pakistan“: Munur á milli breytinga

'''Íslamska lýðveldið Pakistan''' ([[Úrdú]]: اسلامی جمہوریۂ پاکستان ''islāmī jamhūriya i pākistān'') er [[land]] í [[suður-Asía|Suður-Asíu]]. Það er [[Lönd eftir mannfjölda|sjötta fjölmennasta ríki heims]] og næstfjölmennasta ríki heims þar sem flestir íbúar eru [[múslimar]]. Landið liggur að [[Indlandshaf]]i í suðri, [[Íran]] í vestri, [[Afganistan]] í norðvestri, [[Kína]] í norðri og [[Indland]]i í austri. Landið liggur á mörkum þriggja heimshluta: [[Vestur-Asía|Vestur-Asíu]], [[Mið-Asía|Mið-Asíu]] og [[Suður-Asía|Suður-Asíu]]. Landið á strönd að [[Arabíuhaf|Arabíuhafi]]i og [[Ómanflói|Ómanflóa]] í suðri. Hin mjóa [[Vakhanræma]], sem tilheyrir Afganistan, skilur á milli Pakistan og [[Tadsjikistan]].

[[Indusdalsmenningin]] náði yfir hluta þess svæðis sem Pakistan telur í fornöld. Landið hefur sögulega verið hluti af ýmsum stórum ríkjum eins og [[Persaveldi]], [[Mógúlveldið|Mógúlveldinu]] og [[Breska heimsveldið|Breska heimsveldinu]]. Þegar barátta hófst fyrir sjálfstæði [[Breska Indland|Breska Indlands]]s barðist [[Pakistanhreyfingin]] fyrir því að norðvestur- og austurhéruðin, þar sem meirihluti íbúa var múslimar, yrðu sérstakt ríki. Austurhéruðin mynduðu [[Austur-Pakistan]] þar til þau fengu sjálfstæði sem [[Bangladess]] árið 1971 eftir blóðuga sjálfstæðisbaráttu. Saga Pakistan hefur einkennst af pólitískum óstöðugleika og átökum við Indland yfir umdeildum svæðum í og við norðausturhluta landsins.

Pakistan er sambandslýðveldi myndað úr fjórum fylkjum og fjórum alríkishéruðum. Landið er menningarlega fjölbreytt og þar eru töluð yfir sextíu tungumál. Þrír fjórðu íbúa tala [[úrdú]] sem er eitt af tveimur opinberum tungumálum landsins. Pakistan er eina múslimaríki heims sem býr yfir [[kjarnorkuvopn|kjarnorkuvopnum]]um. Landið er aðili að [[Breska samveldið|Breska samveldinu]].

Nafnið Pakistan merkir bókstaflega land hinna hreinu á [[úrdú]] og [[persneska|persnesku]]. Ekki er um fornt heiti að ræða heldur var orðið búið til af [[Choudhry Rahmat Ali]] árið 1933. Nafnið var notað af [[Pakistanhreyfingin|Pakistanhreyfingunni]] sem barðist fyrir sjálfstæði landsins frá [[Breska heimsveldið|Breska heimsveldinu]] og [[Indland|Indlandi]]i yfir norðvesturhéruð [[Breska Indland|Breska Indlands]]s: Púnjab, Norðvesturhéruðin, Kasmír, Sindh og Balúkistan.