„Nes við Seltjörn“: Munur á milli breytinga

Bæjarhóllinn í Nesi og svæðið umhverfis hann er eitt mest rannsakaða svæðið á landinu í [[fornleifafræði|fornleifafræðilegum skilningi]]. Rannsóknirnar hafa bæði verið í formi prufuskurða, [[fjarkönnun|fjarkannana]], fornleifaskráninga og tilraunaskurða. Margar stofnanir og fornleifafræðingar hafa komið að þessum rannsóknum og eru gögnin því mjög dreifð.<ref>Margrét Hrönn Hallmundsdóttir. 2010, bls. 6.</ref> Fornleifar á svæðinu eru óvenju vel varðveittar m.a. vegna þess að stórvirkar jarðvinnsluvélar komu þar aldrei við sögu, öfugt við það sem tíðkaðist eftir að slíkar vélar fóru að fást hérlendis um miðja 20. öld. Handverkfæri valda ekki jafn miklu raski á jarðvegi og slíkar vélar geta gert, t.d. við sléttun túna.