|
Árið [[1992]] – [[1993|93]] fór fram víðtæk rannsókn á [[spilling]]u í ítölskum stjórnmálum (''[[Mani pulite]]'') sem batt endi á valdatíma Kristilegra demókrata. Þetta gerðist á sama tíma og Ítalir tókust á við efnahagslegar og stjórnarfarslegar umbætur sem voru undanfari þátttöku í [[Efnahags- og myntbandalag Evrópu|Efnahags- og myntbandalagi Evrópu]]. Spillingarrannsóknin skapaði stjórnmálakreppu sem ruddi brautina fyrir stjórnmálaferil fyrrverandi [[forsætisráðherra Ítalíu]], [[Silvio Berlusconi|Silvios Berlusconis]], og myndun nokkurs konar „[[tvíflokkakerfi]]s“ þar sem tvö stór kosningabandalög, hvort um sig myndað úr einum stórum miðjuflokki og smærri flokkum á vinstri og hægri væng stjórnmálanna, takast á í kosningum.
lame
== Landafræði ==
[[Mynd:Etna eruption seen from the International Space Station.jpg|thumb|right|Mynd tekin úr [[alþjóðlega geimstöðin|alþjóðlegu geimstöðinni]] af eldgosi í Etnu árið [[2002]].]]
Ítalía er að stærstum hluta langur [[skagi]] ([[Appennínaskagi]]) sem skagar langt út í [[Miðjarðarhaf]]ið, auk tveggja stórra [[eyja]]; [[Sikiley]]jar og [[Sardinía|Sardiníu]]. Skaginn og eyjarnar afmarka hafsvæði eins og [[Adríahaf]] austan við skagann, [[Jónahaf]] í suðaustri, [[Tyrrenahaf]] í vestri og [[Lígúríuhaf]] í norðvestri.
Norðurlandamæri Ítalíu eru í [[Alpafjöll]]unum, en frá þeim liggja [[Appennínafjöll]]in eftir endilöngum skaganum. Hæsti tindur Ítalíu er [[Mont Blanc]] (4.810 [[metri|m]]) en hæsti tindur Appennínafjallanna er [[Gran Sasso]] (2.912 m).
Stærsta samfellda undirlendi Ítalíu er [[Pódalur]]inn þar sem áin [[Pó]] rennur ásamt [[þverá]]m sínum úr Alpafjöllunum, Appennínafjöllunum og [[Dólómítarnir|Dólómítunum]] 652 [[kílómetri|km]] leið út í Adríahaf. Önnur þekkt fljót á Ítalíu eru [[Arnó]], [[Adige]] og [[Tíberfljót]].
Á Ítalíu eru nokkur virkustu [[eldfjall|eldfjöll]] [[Evrópa|Evrópu]] eins og [[Etna (eldfjall)|Etna]], [[Vesúvíus]] og [[Strombólí]]. [[Jarðskjálfti|Jarðskjálftar]] eru ekki óalgengir og þó nokkur [[jarðhiti]] er á mörgum stöðum.
== Stjórnsýslueiningar ==
| 