„Háskólinn í Reykjavík“: Munur á milli breytinga

'''Háskólinn í Reykjavík''' (HR) er einkarekin rannsóknar- og menntastofnun sem útskrifar nemendur úr fjórum akademískum deildum. Þær eru [[Lögfræði|lagadeild]], [[Verkfræði|tækni- og verkfræðideild]], [[Tölvunarfræði|tölvunarfræðideild]] og [[Viðskiptafræði|viðskiptadeild]]. Við HR er jafnframt starfræktur Opni háskólinn í HR, sem sérhæfir sig í sí- og endurmenntun fyrir sérfræðinga og stjórnendur.

Saga HR hefst með stofnun [[Tækniskóli Íslands|Tækniskóla Íslands]] árið [[1964]]. Með tilvist hans var ætlað að brúa bilið milli iðnmenntunar og háskólanáms. Tækniskólinn var færður á háskólastig árið 2002 og tók þá upp nafnið Tækniháskóli Íslands. Þann 4. mars árið 2005 sameinuðust Tækniháskóli Íslands og Háskólinn í Reykjavík undir nafni Háskólans í Reykjavík. HR hafði verið starfræktur frá 4. september árið 1998 og var starfsemi hans byggð á Tölvuháskóla Verzlunarskóla Íslands (TVÍ) sem stofnaður var í janúar 1988. Háskólinn í Reykjavík var settur í fyrsta sinn undir nafninu Viðskiptaháskólinn í Reykjavík. TVÍ varð önnur tveggja deilda hins nýja háskóla. Í janúar árið 2000 var ákveðið að breyta nafni skólans í Háskólinn í Reykjavík þar sem gamla nafnið þótti ekki nógu lýsandi fyrir starfsemi skólans.