„Erfðabreytt matvæli“: Munur á milli breytinga

'''Erfðabreytt matvæli''' eru [[matvæli]], oftast nytjaplöntur, sem breytt hefur verið með aðferðum [[erfðatækni]]nnar. Breytingin, sem framkvæmd er með það að markmiði að efla æskilega eiginlega lífverunnar eða færa henni nýja, eftirsóknarverða eiginleika á borð við þol gegn [[skordýr|skordýrum]]um eða [[illgresiseyðir|illgresiseyðum]], er framkölluð með því að skeyta inn í [[erfðamengi]] lífverunnar [[erfðaefni]] úr öðrum tegundum, sem jafnvel geta verið afar fjarskyldar. Þannig er hægt að flytja erfðaefni úr t.d. [[Baktería|bakteríu]] inn í erfðamengi [[hveiti]]plantna eða úr [[Fiskur|fiski]] í erfðamengi [[Kartafla|kartöfluplantna]] og fá erfðabreytt hveiti og erfðabreyttar kartöflur. Við erfðabreytingar af þessu tagi er farið fram hjá þeim skorðum sem náttúran alla jafna setur blöndun erfðaefnis lítt skyldra lífvera. Önnur, en öllu seinfarnari leið að sama marki eru [[kynbætur]], þar sem stýrð blöndun erfðaefnis mikið skyldra lífvera á sér stað yfir margar kynslóðir.